Amtsgericht Freeborg
Dat Amtsgericht Freeborg weer en Amtsgericht in’n Landgerichtsbezirk Stood. Dat harr sien Seet in de Hauptstraat 31 in Freeborg in’n Landkreis Stood.
Överornt GerichtenÄnnern
Dat Amtsgericht Freeborg weren in’n Instanzentog dat Landgericht Stood, dat Oberlandsgericht Celle un de Bundsgerichtshoff in Karlsruhe överornt.
GeschichtÄnnern
Mit dat hannöversche Gerichtsverfatensgesett von’n 8. November 1850, dat an’n 1. Oktober 1852 in Kraft gahn is, sünd Verwaltung un Justiz kumplett trennt worrn un de Amtsgerichten sünd as ünnerst Gerichten inricht worrn. Dat Amtsgericht Freeborg is dor denn blangen dat Amt Freeborg nee schapen worrn.
1859 sünd de Amtsgerichten Wischhoben un Bützfleet oplööst worrn. Dat Amtsgericht Freeborg weer denn ok för den Bezirk von dat kumplette Amtsgericht Wischhoben un ut den Bezirk von dat Amtsgericht Bützfleet för de Kaspels Bützfleet un Aßel un de Öörd, de to de Stoder Karken tohöört hebbt, (Götzdörp, Bützfleet, Fleet, Abbenfleet, Bützfleter Butendiek, Bützfletermoor, Depenbeek, Hasenwinkel, Bützfletersand, Barnkroog, Weth, Aßel, Ritsch, Aßlersand, Brunshüser Butendiek, Stubbenhoff, Snee, Hörn, Stodermoor, Schölisch, Dööshoff, Stodersand) tostännig.
Dat Gebüüd för dat Amtgericht is 1854 boot worrn. De Fängnistrakt is dor 1885 tokamen.
Dat Amtsgericht Freeborg is 1973 oplööst worrn. Den Gerichtsbezirk von dat Amtsgericht hett denn dat Amtsgericht Stood övernahmen. 1994 is dat Raadhuus von de Gemeen Freeborg in dat ole Gebüüd von dat Amtsgericht intagen.
AmtsrichtersÄnnern
- ~1858: Ernst August Friedrich von Bremen
- 1873: von Detten
- 1873–1881: Bodo Voigts
Bremervöör | Freeborg | Harsfeld (bet 1859) | Himmelpoorten | Buxthu | Jörk | Neehuus | Oosten | Oterndörp (siet 1859) | Stood | Bützfleet (bet 1859) | Wischhoben (bet 1859) | Zeven (siet 1859)
Koordinaten:53° 50′ N, 9° 17′ O