Bücken

Wapen/Flagg

Koort

Basisdaten

Bundsland: Neddersassen

Landkreis: Nienborg

Samtgemeen: Graafschop Hoya

32,413 km²

18 m över NN

27333

04251

Koordinaten:52° 46′ N, 9° 8′ O52° 46′ N, 9° 8′ O

Grenzen bi OSM:

1183271

Öörd in de Gemeen:

7

Börgermeester:

Wilhelm Schröder (Wählergrupp Bücken)

Bücken is en Flecken in de Samtgemeende Graafschop Hoya in den Landkreis Nienborg/Werser in Neddersassen. Se hett 2125 Inwahners (Stand 31. Dezember 2023).

Laag

De Gemeende liggt bi 46 km in’n Süden vun Bremen un 21 km in Noorden vun de Kreisstadt Nienborg. Bücken liggt an de Bückener Möhlenbeeke, de bi Bücken in de Werser löppt.

Oortsdeelen

De Geemeen het fiev Ortsdeele:

Olenbücken mit Stennern
Bücken
Calle
Deendörp
Düddenhusen mit Barke

Historie

Dat Dörp Olenbücken heet früher Bokkenhusen un kummt toeerst in de Vita Willehadi vör, de so üm un bi 850/860 schreven worrn is. Willehad schall in dennen Oort en Keerl, de lahm weer, wedder gesund maakt hebben. Later heet dat denn Bücken. 882 het Bischop Rimbert de Kerken grünndt. As sick en Oord üm de Kerken bildt har, is ut Bücken dat hüütige Olenbücken wurrn un de Oord um de Kerken heet nu Bücken. De Graafen vun Hajen hebbt [1413]] ut Bücken een Flecken makt. Bücken is siet 1974 Deel von de Samtgemeende Graafschop Hoya.

Politik

Gemeenderaat

In´n Gemeenrat sitt 13 Lüd tohope:

Wählergrupp - 9 Sitten
SPD - 4 Sitten

Wapen

Dat Wapen wiest twee Beerntatzen un een Bischopsstab up güllen Grund. De Beerntatzen kummt von de Graafen vun Hajen, de dichte bi Bücken in Hajen setten hebbt. De Bischopsstab erinnert daaran, dat de Bremer Bischöpe de ole Stiftskerken in Bücken grünndt hebbt.

Fründschop mit annere Gemeenden

De Bückener hebbt een Fründschop mit de Gemeen Erdmannsdorf in Sassen.

Wat in Bücken een sik ankieken kann

In de Midde vun Bücken steiht de ole Stiftskerken, de Bischop Rimbert vun Bremen grünndt het. De erste Kerken wer ut Holt, in´n 11. Johrhunnert hebbt se anfungen ut Steen to boon. De Kerken in Bücken harr väl Geld un deshalb hebbt do groot boot. De Kerken is jäden Dag open un een kann ole Kunstschätte bekieken.

Weblenks

Samtgemeende Graafschop Hoya (hoochdüütsch)

Städer un Gemenen in’n Landkreis Nienborg