Bentloog

Oort in’n Landkreis Oosterholt, Neddersassen
Wapen/Flagg Koort
hett keen Wapen
Bentloog
Laag vun Bentloog in Düütschland
Basisdaten
Bundsland: Neddersassen
Landkreis: Oosterholt
Gemeen: Hu’e
Inwahners:
Postleettall: 27721
Vörwahl: 0421
Geograafsche Laag:
Koordinaten:53° 12′ N, 8° 41′ O
53° 12′ N, 8° 41′ O

Karte

Bentloog (hoochdüütsch Bentloge) is en lütten Oort in de Gemeen Hu’e in’n Landkreis Oosterholt, Neddersassen. Binnen de Gemeen höört Bentloog to’n Oortsdeel Stendörp.

Geografie ännern

De Oort liggt op de Oosterholter Geest. Dat Water ut dat Rebeed flütt över de Schönebeker Au af.

De Naveröörd sünd Wollah un Stendörp in’n Noordoosten, Stubben in’n Süüdoosten, Platjenwarf in’n Süden, Holthorst in’n Süüdwesten, Hahnhorst in’n Westen un Woldhorst un Habichthorst in’n Noordwesten.

Historie ännern

De Oort bestünn bet in dat 20. Johrhunnert blots ut en enkelten Hoff. Mit’n Hoff verbunnen weer dat Gasthuus Lamkens Garten. In’n Loop von dat 20. Johrhunnert sünd dor aver en poor Hüüs tokamen.

Verwaltungsgeschicht ännern

De Oort hett vör 1852 to’n Bezirk Leessem von dat Gericht Leessem-Schönebeck tohöört, von 1852 bet 1859 to dat Amt Leessem un denn von 1859 bet 1885 to dat Amt Blomendal. Na 1885 weer dat in’n Kreis Blomendal, de 1932 Deel von’n Kreis Oosterholt worrn is.

De Oort weer von öllers Deel von de Gemeen Wollah, de 1928 Deel von de Gemeen Stendörp worrn is. Düsse Gemeen wedder is denn an’n 1. März 1974 mit de Gemeenreform in Neddersassen an de Gemeen Hu’e kamen.

Inwahnertall ännern

Johr Inwahners
1848-00-001848[1] 10 Lüüd, 1 Huus
1871-12-011. Dezember 1871[2] 7 Lüüd, 1 Huus
1885-12-011. Dezember 1885[3] 12 Lüüd, 1 Huus
1905-12-011. Dezember 1905[4] 5 Lüüd, 1 Huus

Religion ännern

Bentloog is evangeelsch-luthersch präägt un höört to dat Kaspel von de Martin-Kark in Leessem.

För de Kathoolschen is de St.-Birgitta-Kark in Marßel tostännig, de siet 1. September 2012 to de Karkengemeen von de Hillige Familie in Oosterholt-Scharmbeek höört. Bevör de St.-Birgitta-Kark 1972 boot worrn is, hett de Oort to de Gemeen von de St.-Peter-un-Paul-Kark in Leessem höört, de dat siet 1965 geven harr. Noch fröher hett dat Rebeed to de Gemeen von de St.-Marien-Kark in Blomendal tohöört.

Weertschop un Infrastruktur ännern

För Bentloog is de freewillige Füürwehr Stendörp mit tostännig.

Verkehr ännern

Von Bentloog loopt Straten na Oosten an de Landsstraat 135, de in’n Noorden de L 149 krüüzt un denn över Heilshoorn un Garlst na Hagen un Bremerhoben geiht un in’n Süden na Ihlpohl un bi Borgdamm an de Bundsstraat 74 ran.

De nächste Autobahn is de Autobahn 27 (Afsnidd BremenBremerhoben). De Opfohrt 15 Ihlpohl liggt knapp twee Kilometer in’n Süüdoosten von Bentloog an de K 37.

De nächste Bahnhoff is so bi dree Kilometer wied weg in’n Süden de Bahnhoff Leessem an de Bahnlien Vesack–Bremen.

Footnoten ännern

  1. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 150
  2. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 159
  3. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 173
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 21