Bokel (Freenbeek)

Wapen/Flagg	Koort
Basisdaten
Bundsland: Neddersassen Landkreis: Stood Samtgemeen: Freenbeek Gemeen: Freenbeek
Inwahners:
Postleettall:	21717
Vörwahl:	04149
Geograafsche Laag:	53° 30′ N, 9° 22′ O

Bokel (hoochdüütsch Bokel) is en lütten Oort in de Gemeen Freenbeek (Samtgemeen Freenbeek) in’n Landkreis Stood, Neddersassen.

Geografie

In’n Noordwesten hett de Beverbeek sien Born un in’n Süüdoosten flütt de Dinghorner Beek an Bokel langs. All beid doot in de Swing münnen, de so bi veer Kilometer in’n Noorden liggt. Na Süüdwesten weg flütt de Otter.

De Naveröörd sünd Swing un Freenbeek in’n Noordoosten, Wehl in’n Oosten, Frankenmoor in’n Süüdoosten, Aasp in’n Süden, Kutenhult in’n Süüdwesten, Mulsen in’n Westen un Hogenoh in’n Noordwesten.

Historie

In de Franzosentied von 1810 bet 1814 hett de Oort to de Mairie Mulsen in’n Kanton Bremervöör höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Böörd Mulsen binnen dat Amt Harsfeld tohöört. De Böörd Mulsen is 1852 in dat Amt Stood wesselt, dat 1859 Deel von dat Amt Himmelpoorten worrn is. Na 1885 weer dat in’n Kreis Stood. 1932 is dat Deel von’n ne’en grötteren Landkreis Stood worrn.

Inwahnertall

Johr	Inwahners
1824-00-001824	1 Füürsteed
1871-12-011. Dezember 1871	9 Lüüd, 1 Huus

Religion

Bokel is evangeelsch-luthersch präägt un höört to dat Kaspel von de Petrus-Kark in Mulsen.

Weertschop un Infrastruktur

Verkehr

Dör Bokel löppt de Kreisstraat 70, de in’n Süüdwesten na Kutenhult an de Landsstraat 123 ran geiht un in’n Noordoosten na Freenbeek. Lüttjere Straten gifft dat na Mulsen un Wehl.

De nächste Autobahn is de Autobahn 26 (Afsnidd Stood–Hamborg). De Opfohrten 3 Stood-Oost un 4 Dullern doot all beid so 16 Kilometer in’n Noordoosten von Bokel liggen.

De nächste Bahnhoff is so bi söss Kilometer wied weg in’n Süüdwesten de Bahnhoff Kutenhult an de Bahnlien Buxthu-Bremerhoben.