Aasp
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 12,49 km² | |
| Inwahners: | 465 ( August 2002) | |
| Inwahnerdicht: | 37,2 Inwahners pro km² | |
| Postleettall: | 27449 | |
| Vörwahl: | 04762 | |
| Geograafsche Laag: | Koordinaten:53° 28′ N, 9° 22′ O53° 28′ N, 9° 22′ O | |
|
| ||
Aasp (hoochdüütsch Aspe) is en Dörp in de Gemeen Kutenhult in’n Landkreis Stood, Neddersassen.
De Oort besteiht ut dat egentliche Dörp (Groot Aasp) un den Oort Lütt Aasp.
Geografie
ännernDe Oort liggt op de Stoder Geest. Dat Water ut dat Rebeed flütt över Gravens na de Bever hen af.
De Naveröörd sünd Kutenhult in’n Noordwesten, Wehl in’n Noordoosten, Frankenmoor un Bargst in’n Oosten, Brest in’n Süden un Soors in’n Westen.
Historie
ännernDe Oort kummt al in de Tied 1111 bet 1116 as Aspa in en Oorkunn vör.[1]
In’n Eersten Weltkrieg sünd negen Soldaten ut Aasp fullen oder vermisst un in’n Tweten 38 Lüüd[2].
Verwaltungsgeschicht
ännernVör 1852 weer dat Dörp in de Böörd Mulsen binnen dat Amt Harsfeld. De Böörd Mulsen is 1852 in dat Amt Stood wesselt, dat 1859 Deel von dat Amt Himmelpoorten worrn is. Na 1885 hett dat denn to’n Kreis Stood höört un von 1932 af an to’n hüdigen Landkreis Stood.
Aasp is an’n 1. Juli 1972 bi de Gemeenreform in Neddersassen mit de Gemeen Kutenhult tohoopleggt worrn.
Inwahnertall
ännern| Johr | Inwahners |
|---|---|
| 1824[3] | 13 Füürsteden |
| 1848[4] | 221 Lüüd, 38 Hüüs* |
| 1. Dezember 1871[5] | 217 Lüüd, 38 Hüüs* |
| 1. Dezember 1910[6] | 289 |
| 1925[7] | 280 |
| 1933[7] | 281 |
| 1939[7] | 310 |
- * mit Lütt Aasp
Wapen
ännernDat Wapen wiest op sülvern Grund en gröön Espentelg mit dree Bläder, de pielliek steiht.
De Espentelg steiht för den Naam von’n Oort, de von dat ooldsassische Espa för Esp afkamen schall. Dat Dörp hett dat Wapen dör Erlass von dat Neddersassische Binnenministerium an’n 3. Dezember 1952 kregen.
Religion
ännernAasp is evangeelsch-luthersch präägt un höört to dat Kaspel Mulsen.
För de Kathoolschen weer von 1968 bet 2003 de Lukas-Kark in Freenbeek tostännig. De Kark is denn dichtmaakt worrn, üm Geld to sporen. Vondaag höört de Oort to de Karkengemeen von de Hillig-Geist-Kark in Stood. En annere kathoolsche Kark in de Ümgegend is de Michael-Kark in Harsfeld.
Kultur
ännernEn Denkmaal för de Fullenen ut de twee Weltkrieg’ steiht bi’n Karkhoff.
Verenen
ännernDe Schützenvereen Aasp is 1951 grünnt worrn.
Scholen
ännernDe eerste Volksschool hett Aasp 1854 kregen. 1910 is en nee Schoolhuus boot worrn. Vondaag hett de Oort bloot noch en Speelkreis un keen egen School mehr.
Weertschop un Infrastruktur
ännernDe Freewillige Füürwehr Aasp gifft dat siet 1902.
De Meieree in Aasp is 1959 dichtmaakt worrn.
Verkehr
ännernDe Oort liggt an de Landsstraat 123, de na Kutenhult un Bargst löppt. Ans gifft dat de Kreisstraat 61, de na Wehl löppt, un de Kreisstraat 58, de na Brest geiht.
Bet 1959 harr de Oort en Göderbahnhoff an de Bahnlien Bremerhoben–Buxthu. Siet 1993 hett de Oort mit’n Bahnhoff Brest-Aasp nu aver wedder en Bahnhoff mit Personenverkehr.
Literatur
ännern- Heinz Hauschild: Kutenholz mit den Ortsteilen Aspe und Essel - früher und heute. 1983
Footnoten
ännern- ↑ Hamburgisches Urkundenbuch. Band 1, Perthes-Besser, 1842, Sied 125
- ↑ http://www.denkmalprojekt.org/2010/kutenholz-aspe_wk1u2_ns.htm
- ↑ C. H. Jansen: Statistisches Handbuch des Königreichs Hannover. 1824, Sied 26: http://books.google.de/books?id=tG0AAAAAcAAJ&pg=PA26
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 141: https://books.google.de/books?id=qTZDAQAAMAAJ&pg=RA2-PA141
- ↑ http://www.gemeindeverzeichnis.de/gem1900/gem1900.htm?hannover/stade.htm
- ↑ a b c http://www.verwaltungsgeschichte.de/stade.html
