Chiko
Chiko is en Speelfilm vun Speelbaas Özgür Yıldırım, den he na sien egen Dreihbook maakt hett. In Düütschland is de Film an’n 17. April 2008 in de Kinos anlopen. De Hööftrullen speelt Denis Moschitto, Moritz Bleibtreu un to’n eersten mol Reyhan Şahin. De Film is mit dat Prädikat „weertvull“ uttekent worrn un is ok in annere Länner in’t Kino wiest worrn.
| Filmdaten | |
|---|---|
| Plattdüütsch Titel: | — |
| Originaltitel: | Chiko |
| Düütsch Titel: | Chiko |
| Produkschoonsland: | Düütschland |
| Johr vun’t Rutkamen: | 2008 |
| Läng: | 88 Minuten |
| Originalspraak: | Düütsch |
| Öllersfreegaav in Düütschland: | FSK 16 |
| Filmkru | |
| Speelbaas: | Özgür Yıldırım |
| Dreihbook: | Özgür Yıldırım |
| Produkschoon: | Fatih Akın Klaus Maeck |
| Kamera: | Matthias Bolliger |
| Snitt: | Sebastian Thümler |
| Dorstellers | |
| |
Inholt
ännernDe Film hannelt vun de Drogenkriminalität in Hamborg. He dreiht sik üm Chiko, de en Söhn vun en törksche Inwannererfamilie is, un sien besten Fründ Tibet. De beiden dröömt dorvun, in’t Drogenmiliö groot rut un op de Oort un Wies to Ehr to kamen. Se jackt en Macker vun Brownie af, üm Kuntakt to em to kamen. Brownie is en Musikproduzent, de blangento in Drogenhannel un Prostitutschoon maakt un sülvst op’n Kiez al’n groot Licht is. Över em kummt he in de Drogenszeen rin. As Proov schüült Chiko un Tibet för em ’n poor Kilo Marihuana verköpen. Dorbi twiegt Tibet aver ’n Deel för sik sülvst af un verköfft den Kraam op egen Reken. Borwnie deit dat natürlich wieswarrn un bestraaft em hard. Chiko will Brownie dorför üm de Eck bringen, maakt dat denn aver doch nich, as he de Mööglichkeit hett, man nimmt sien Anbott an, in den Kokainhannel intostiegen, de veel mehr Geld bringt. Dordör kummt he nu richtig in’t Gewarf binnen un stiggt gau op. Chiko kann sik nu en grote Wahnung leisten, en düer Auto un en egen Restaurant. Op sien Anfraag hen, lett Brownie sülvs sien Hoor Meryem gahn, vun wegen dat Chiko sik in ehr verkeken hett.
Man, Tibet brickt den Kuntakt to Chiko af un leevt wieter bi sien Mudder un is sülvst in Drogen versackt. Liekers will he Bornie torüchbetahlen, wat he em andoon hett. He luert em op un will em dootscheten, wat he aver nich henkriggt. Brownie gifft dorophen Chiko de Order, Tibet an de Siek to maken. De det so, as wenn he dorop ingeiht, verstickt Tibet denn aver. Man ok dat kriggt Brownie rut un schickt dorophen sien Slägers to Tibets Mudder, üm vun ehr ruttokriegen, woneem he sik ophollt. Se weet dorvun aver nix, un so kriegt se ut ehr ok nix rut un slaht ehr doot. Man, de Fro weer ok för Chiko meist as’n Mudder. He vertellt eerst Tibet vunn Doot vun sien Mudder un föhrt denn füdder na Brownie un schütt em dor in’t Biwesen vun sien Fro un Kind doot. Toeerst is sien Plaan, aleen uttoneihn, man denn beslutt he doch, Tibet mittonehmen. De aver is vör Truer un Pien nich mehr bi sik, un noch vördem Chiko em vertellen kann, dat he den Dood vun de Mudder an Brownie torüchbetahlt hett, hollt Tibet en Messer rut un un stickt Chiko daal.
Produkschoonsachtergrund
ännernDe Film is vun de Produkschoonsfirma Corazón International vun Fatih Akın un Klaus Maecks produzeert worrn. Dat Budget för den Film harr en Hööch vun 1,5 Millionen Euro, de mit Help vun de Hamborger Filmföddern un vun’n NDR praatstellt worrn sünd. För Reyhan Şahin ist dat de eerste Rull in en Speelfilm wesen, för den Speelbaas Özgür Yıldırım weer dat de eerste Langfilm. Vörher hett he blots uttekente Kortfilmen dreiht.
Dreiht worrn is de Film in Hamborg (ü.a.in Mümmelmannsbarg, Horborg, Steilshoop, Billstedt), Hannober un ümto. Denis Moschitto, de en Kind vun en töksch-italieensche Inwannererfamilie is, speelt in den Film den Söhn vun en törksche Inwannererfamilie.
De Film weer to’n eersten mol in’n Februar 2008 op de Internatschonale Filmfestspele Berlin 2008 in de Apentlichkeit wiest worrn. Dor lööpt he mit Spood in’t „Panorama“. De offizielle Premiere weer Mitt vun’n April 1008 an’n Dag vör den offiziellen Kinostart in Düütschland.
Kritiken
ännernEva Eusterhus in Welt am Sonntag vun’n 3. Februar 2008: Mit viel Feingefühl zeichnet Özgür seine Charaktere, die hin- und hergerissen sind zwischen zwei Welten. Nicht zwischen der deutschen und der türkischen, nein. Die Grenze verläuft zwischen Gut und Böse. Zwischen Hasch verticken und die Mutter zur Dialyse fahren, zwischen Zuschlagen und Heulen, zwischen Statussymbolen und Kleinjungenträumen, zwischen Moschee und Plattenbau, zwischen einer Hure und dem ersten Kuss.
Filmbewertungssteed Wiesbaden: Chiko (ist) ein eigenständiger, auf handwerklich hohem Niveau inszenierter Gangsterfilm mit herausragenden, authentischen Darstellern. Eine mit rigoroser Kompromisslosigkeit ausgestattete Milieustudie mit ausreichend Potential, um bei seiner Zielgruppe zum Kultfilm zu avancieren. Eine Stil-sichere Rise-and-Fall Story, perfektes Genre-Kino.
Gordo Simenu in Zelluloid vun’n 4. April 2008: Vielschichtige und atmosphärisch dichte Millieustudie mit brillierender Besetzung.
Oliver Noelle in TV-Digital vun’n 4. April 2008: Der Film ist ein intensives, kraftvolles und authentisches Drama, welches im Migrantenmilieu spielt. Chiko erinnert oft an Fatih Akıns Geniestreich Kurz und schmerzlos aus dem Jahr 1998. Super ist, dass der Film Hamburgflair verströmt ohne sattsam bekannte Reeperbahnbilder.
Utteken
ännernDe Film is 2009 in veer Kategorien för den Düütschen Filmpries nomineert. Twee dorvun hett he wunnen:
- in de Kategorie Best Filmsnitt för Sebastian Thümler
- in de Kategorie Best Dreihbook för Özgür Yıldırım
Weblenken
ännern- Chiko in de Internet Movie Database (engelsch)
- Chikofilm.de − Websteed to’n Film
- Ümfangrieke Informatschonen to „Chiko“ in’n Produkschoonsspegel 2008 vun de nordmedia
- "Der Hingucker" Interview vun de Tietschrift U_mag mit Speelbaas Özgür Yıldırım