Dinghoorn

Wapen/Flagg	Koort
Basisdaten
Bundsland: Neddersassen Landkreis: Stood Samtgemeen: Freenbeek Gemeen: Freenbeek
Inwahners:
Postleettall:	21717
Vörwahl:	04149
Geograafsche Laag:	53° 31′ N, 9° 23′ O

Dinghoorn (hoochdüütsch Dinghorn) is en lütten Oort in de Gemeen Freenbeek (Samtgemeen Freenbeek) in’n Landkreis Stood, Neddersassen. De Oort höört polietsch al von öllers to Lüttjen Freenbeek.

Geografie

De Oort liggt op de Stoder Geest. Dör Dinghoorn flütt de Dinghoorner Beek, de in’n Noorden in de Swing münnt.

De Naveröörd sünd Swing in’n Noorden, Freenbeek in’n Noordoosten, Wehl in’n Süüdoosten, Bokel un Kutenhult in’n Süüdwesten, Mulsen in’n Westen un Hogenoh in’n Noordwesten.

Historie

Verwaltungsgeschicht

De Oort hett vör 1852 to de Böörd Mulsen binnen dat Amt Harsfeld tohöört. De Böörd Mulsen is 1852 in dat Amt Stood wesselt, dat 1859 Deel von dat Amt Himmelpoorten worrn is. Na 1885 weer dat in’n Kreis Stood. 1932 is dat Deel von’n ne’en, grötteren Kreis Stood worrn.

Inwahnertall

Johr	Inwahners
1793-00-001793	2 Füürsteden
1824-00-001824	2 Füürsteden
1871-12-011. Dezember 1871	29 Lüüd, 4 Hüüs

Religion

Dinghoorn is evangeelsch-luthersch präägt un hett bet 1959 to dat Kaspel von de Primus-Kark in Bargst höört. Nu höört dat to de Martin-Luther-Kark in Freenbeek.

För de Kathoolschen is de Hillig-Geist-Kark in Stood tostännig. Von 1968 bet 2003 weer de Lukas-Kark in Freenbeek för Dinghoorn tostännig.

Weertschop un Infrastruktur

Verkehr

Dör Dinghoorn löppt de Kreisstraat 70, de in’n Süüdwesten na Kutenhult an de Landsstraat 123 ran geiht un in’n Oosten na Freenbeek an de K 1 un K 50.

De nächste Autobahn is de Autobahn 26 (Afsnidd Stood–Hamborg). De Opfohrt 3 Stood-Oost liggt so 14 Kilometer in’n Noordoosten von Dinghoorn.

De nächste Bahnhoff is so bi acht Kilometer wied weg in’n Süüdwesten de Bahnhoff Kutenhult an de Bahnlien Bremerhoben–Buxthu.