Diskuschoon:Spaden

Beester

Afsehn dorvun, dat de meisten Öörd noch op hoochdüütsch staht, vestah ik nich recht wat in den Afsnitt Historie mit dat elk Buur nicht mehr as 9 Bester, 2 Peer, 12 Schaap un en Buck hebben meent is. Bester is doch en Böverbegreep för all Deerten. Wat is in dissen Fall de Bedüden? --Iwoelbern ✍ 09:41, 20. Okt 2010 (CEST)

Nee, Beest heet woll ok hd. Biest, man sunnerlich is dat ok en Woort för Rind.--Bolingbroke ✍ 09:44, 20. Okt 2010 (CEST)

Schüll man denn in Klammern dorachter schrieven, un den Lenk op Beester rutnehmen - dor is dat jo ok nicht verkloort. --Iwoelbern ✍ 09:56, 20. Okt 2010 (CEST)

Also bi uns sünd Beester de Jungkeih, de keen Kalver mehr sünd, aver sülvs noch nich kalvt hebbt. Aver in dissen Kuntext is woll würklich Rind meent. --::Slomox:: >< 15:50, 20. Okt 2010 (CEST)

Wat mi vör allen stöört, dat sünd de Pseudo-Wöör so as Eew, Schopps, versellt. Wi hebbt Johrhunnert, Ladens un verköfft, wi bruukt uns dor nix utdenken. --::Slomox:: >< 17:05, 20. Okt 2010 (CEST)

Un Allmende is en hoochdüütsch Woord. Plattdüütsche Wöör sünd ünner annern Meenmark un Buurmeen. In de Rebeden, de fröher freesch wesen sünd, ok Mahn (Spaden liggt dicht bi, aver nich in Wursten). Wat in Spaden gellt, dat weet ik nich. --::Slomox:: >< 17:47, 20. Okt 2010 (CEST)

Beest steiht bi Hermann Böning so: Beest, 1. Untier; 2.Rind;3. Biest...To Gemeinschaftsflur hett he Meende oder Meene oder Meenheit. Eeuw is doch Hollannsch un heet Johrhunnert, ik kann mi blot vorstellen, datt in de Leeraner Kant de Oostfresen dat seggt, oder in't Rheiderland. Avers wohrschienlich hest du recht un de Schriever hett sik dat blot man so tohopenschostert...--Bolingbroke ✍ 19:22, 20. Okt 2010 (CEST)

Kreet

War schall denn eentlich en Kreet ween. Ik kenn Kreis un Krink, man Kreet kenn ik blot ut'n Hollanschen, dor heet dat Schree. Is dat en Dialektwoort, oder hett de Schriever sik dat utdacht?--Bolingbroke ✍ 19:30, 20. Okt 2010 (CEST)

Heff ik mi ok al fraagt.

Wat ik ok noch mal anmarken wull: Spaden is ok noch mehrdüdig un steiht för Spaten - wat ik persönlich as Escher kenn, aver in'n Artikel Piek so binnen steiht. In dissen Artikel steiht ünner Naam, wat vun Spaad an Steed vun Spaden. geiht 'n beten Dör'nanner. --Iwoelbern ✍ 19:44, 20. Okt 2010 (CEST)

In’n Sass steiht de Begreep Kreet as „Zank, Streit“ binnen, heff ik jüst mol keken.--Iwoelbern ✍ 19:46, 20. Okt 2010 (CEST)

Schiller-Lübben kennt den Kreet för Kring noch. Is later aver utstorven oder tominnst bannig roor worrn. Warrt in dissen Artikel gewiss blot as Bookwoord bruukt dat'n üm dat hoochdüütsche kreis rümkummt. --::Slomox:: >< 20:17, 20. Okt 2010 (CEST)

Beest kenn ik ok as "Jung-Koh" und "Spaten" heet bi uns "Spaa" (aa so as in dat däänsch Aarhuus).Eastfrisian ✍ 20:49, 20. Okt 2010 (CEST)