Duxbeek

Beek in Neddersassen, fleet in de Bever
Duxbeek
Laag Neddersassen
Stroomsystem Elv
Läng 14,5 km
Afströömrebeed 34 km²
Born bi Ohrel
Münn bi Plönjeshusen in de Bever
Waterkenntall DE: 59846

De Duxbeek is en 14,5 Kilometer langen[1] Beek in’n Landkreis Rodenborg.

De Born von’n Duxbeek liggt in’n Noordoosten von Ohrel. Von dor flütt de Beek na Süüdwesten. De lüttjeren Öörd Fiehnenbarg un Hogenfell doot an dat rechte Över liggen un Winnershusen an dat linke Över. Denn löppt de Beek an de Öörd Rohr un Stüh vörbi un bi Parnwinkel ünner de Bundsstraat 71 dör. Dor dreiht de Duxbeek bilütten na Noordwest un Noord un flütt in’n Oosten von Falje langs mit de lütten Öörd Visoh, Löh un Bockhorst an dat rechte Över. De Beek geiht noch wedder ünner de B 71 dör un münnt denn bi Plönjeshusen in de Bever. De Bever münnt later in de Oost un de över de Elv in de Noordsee.

1958 is de Water- un Bodenverband Duxbeek grünnt worrn. De Verband is för den Ünnerholt von de Waterlööp op en Rebeed von 907 Hektar langs den Duxbeek tostännig.

Footnoten ännern

  1. Michael Bergemann: Gesamtliste der Fließgewässer im Elbeeinzugsgebiet. 2012


Koordinaten:53° 26′ N, 9° 12′ O