Parnwinkel

Wapen/Flagg

Koort

Basisdaten

Bundsland: Neddersassen

6,28 km²

27446

04284

Koordinaten:53° 23′ N, 9° 13′ O53° 23′ N, 9° 13′ O

Parnwinkel (hoochdüütsch Parnewinkel) is en Dörp in de Gemeen Sürsen in’n Landkreis Rodenborg, Neddersassen.

Geografie

An’n Süüdrand von Parnwinkel flütt de Sürser Beek langs.

De Naveröörd sünd Deins in’n Noorden, Rohr un Ohrel in’n Noordoosten, Annerlingen un Haßel in’n Süüdoosten, Sürsen in’n Süden un Ochenhusen in’n Westen.

Historie

In’n Eersten Weltkrieg sünd acht Soldaten ut Parnwinkel fullen oder vermisst^[1].

Parnwinkel is 1974 Deel von de Gemeen Sürsen worrn. De Gemeen Parnwinkel weer von 1965 bet 1974 Deel von de Samtgemeen Sürsen. De is 1974 oplööst worrn un dor is de ne’e un gröttere Samtgemeen Sürsen billt worrn, to de de Oort sietdem tohöört.

An’n 15. April 1986 is bi Parnwinkel en F-16-Fleger von de nedderlandschen Luftwapen afstört. De Piloot is dor bi doodbleven.

Inwahnertall

Johr	Inwahners
1824-00-001824^[2]	13 Füürsteden
1848-00-001848^[3]	159 Lüüd, 27 Hüüs
1910-12-011. Dezember 1910^[4]	165
1925-00-001925^[5]	201
1933-00-001933^[5]	204
1939-00-001939^[5]	214

Religion

Parnwinkel is evangeelsch-luthersch präägt un höört to dat Kaspel von de St.-Lamberti-Kark in Sürsen.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Kultur

Denkmaals för de Fullenen ut den Düütsch-Franzööschen Krieg un de twee Weltkrieg’ staht in Sürsen bi de Kark.

Infrastruktur

Verkehr

Parnwinkel liggt an de Bundssstraat 71, de in’n Noordwesten na Bevern löppt un in’n Süden na Sürsen un Seedörp. Na Oosten geiht de Kreisstraat 118 af, de na Ohrel geiht. Ans gifft dat noch en lüttjere Straat na Deins.

Von 1908 bet 1968 hett dat in Sürsen en Bahnhoff an de Bahnlien Bremervöör–Wasra geven. Vondaag sünd de nächsten Bahnhööv an de Bahnlien Buxthu-Bremerhoben, de so teihn Kilometer in’n Noorden langslöppt.

Scholen

Bet 1974 harr Parnwinkel noch sien egen Volksschool, an de Walter Klie siet 1934 de letzte Schoolmeester weer. Nadem de Dörpschool oplööst worrn is, sünd de Kinner na de Middelpunktschool in Sürsen gahn.

Literatur

Walter Klie: Kleine Dorfchronik Parnewinkel. 1993

Footnoten

↑ http://www.denkmalprojekt.org/dkm_deutschland/selsingen_1870-71_wk1u2_ns.htm
↑ C. H. Jansen: Statistisches Handbuch des Königreichs Hannover. 1824, Sied 482: http://books.google.de/books?id=tG0AAAAAcAAJ&pg=PA482
↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
↑ http://www.gemeindeverzeichnis.de/gem1900/gem1900.htm?hannover/bremervoerde.htm
↑ ^a ^b ^c http://www.verwaltungsgeschichte.de/bremervoerde.html

Öörd in de Gemeen Sürsen

[1] ttp://www.denkmalprojekt.org/dkm_deutschland/selsingen_1870-71_wk1u2_ns.htm

[InwahnertallRef1-2] C. H. Jansen: Statistisches Handbuch des Königreichs Hannover. 1824, Sied 482: http://books.google.de/books?id=tG0AAAAAcAAJ&pg=PA482

[InwahnertallRef2-3] Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141

[InwahnertallRef3-4] ttp://www.gemeindeverzeichnis.de/gem1900/gem1900.htm?hannover/bremervoerde.htm

[verwg.de-5] ttp://www.verwaltungsgeschichte.de/bremervoerde.html

[1]

[2]

[3]

[4]

[5]