Ohrel

Dit Woort hett noch annere Bedüden: kiek dorför ünner Christophe Ohrel.

Wapen/Flagg

Koort

Basisdaten

Bundsland: Neddersassen

12,52 km²

27446

04762

Koordinaten:53° 24′ N, 9° 18′ O53° 24′ N, 9° 18′ O

Ohrel is en Dörp in de Gemeen Annerlingen in’n Landkreis Rodenborg, Neddersassen. Bi Ohrel höört von öllers ok de lüttjere Öörd Winnershusen un Ölkershusen mit bi.

Geografie

De Naveröörd sünd Farm mit Stüh un Fehrenbrook in’n Noordoosten, Grafel in’n Süüdoosten, Annerlingen in’n Süden, Haßel, Sürsen un Parnwinkel in’n Süüdwesten, Ölkershusen, Rohr un Deins in’n Westen un Malst in’n Noordwesten.

Historie

In’n Eersten Weltkrieg sünd 17 Soldaten ut Ohrel fullen oder vermisst un in’n Tweten 22^[1].

Ohrel is 1974 Deel von de Gemeen Annerlingen worrn. De Gemeen Ohrel weer von 1965 bet 1974 Deel von de Samtgemeen Sürsen. De is 1974 oplööst worrn un dor is de ne’e un gröttere Samtgemeen Sürsen billt worrn, to de de Oort sietdem tohöört.

Inwahnertall

Johr	Inwahners
1824-00-001824^[2]	7 Füürsteden
1848-00-001848^[3]	129 Lüüd, 25 Hüüs
1910-12-011. Dezember 1910^[4]	235
1925-00-001925^[5]	278
1933-00-001933^[5]	277
1939-00-001939^[5]	281

Religion

Ohrel is evangeelsch-luthersch präägt un höört to dat Kaspel von de St.-Lamberti-Kark in Sürsen.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Kultur

En Denkmaal för de Fullenen ut de twee Weltkrieg’ steiht in Ohrel op’n Karkhoff.

Museums

Ohrel hett mit dat olle Hus en lütt pädagoogsch Museum. Dat Neddersassenhuus is 1805 in de Midd von Ohrel boot worrn un 2000/2001 an sien hüdigen Platz an’n Rand von Ohrel ümsett worrn.

Infrastruktur

Verkehr

Ohrel liggt an de Kreisstraat 118, de in’n Süüdwesten na Parnwinkel an de Bundsstraat 71 ran löppt un in’n Noorden na Malst geiht. Von de K 118 na Süden af geiht de K 110 na Annerlingen. Ans gifft dat lüttjere Straten na Ölkershusen, Rohr un Fehrenbrook.

De nächste Bahnhoff is de Bahnhoff Kutenhult an de Bahnlien Bremerhoben–Buxthu.

Literatur

Otto Lindenberg, Klaus Wichern: Dorfchronik Ohrel. Vergangenheit und Gegenwart eines Dorfes, Rückblick und Bestandsaufnahme. 1987

Footnoten

↑ http://www.denkmalprojekt.org/2009/anderlingen-ohrel_wk1u2_ns.htm
↑ C. H. Jansen: Statistisches Handbuch des Königreichs Hannover. 1824, Sied 456: http://books.google.de/books?id=tG0AAAAAcAAJ&pg=PA456
↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
↑ http://www.gemeindeverzeichnis.de/gem1900/gem1900.htm?hannover/bremervoerde.htm
↑ ^a ^b ^c http://www.verwaltungsgeschichte.de/bremervoerde.html

[1] ttp://www.denkmalprojekt.org/2009/anderlingen-ohrel_wk1u2_ns.htm

[InwahnertallRef1-2] C. H. Jansen: Statistisches Handbuch des Königreichs Hannover. 1824, Sied 456: http://books.google.de/books?id=tG0AAAAAcAAJ&pg=PA456

[InwahnertallRef2-3] Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141

[InwahnertallRef3-4] ttp://www.gemeindeverzeichnis.de/gem1900/gem1900.htm?hannover/bremervoerde.htm

[verwg.de-5] ttp://www.verwaltungsgeschichte.de/bremervoerde.html

[1]

[2]

[3]

[4]

[5]