Eddels

Wapen/Flagg

Koort

Basisdaten

Bundsland: Neddersassen

21218

04105

Koordinaten:53° 23′ N, 9° 58′ O53° 23′ N, 9° 58′ O

Eddels (hoochdüütsch Eddelsen) is en Dörp in de Gemeen Seevdaal in’n Landkreis Horborg, Neddersassen.

Geografie

De Naveröörd sünd Metzendörp in’n Noorden, Emmelndörp in’n Noorden, Hittfeld in’n Oosten, Lindhost un Helmsdörp in’n Süüdoosten, Klecken in’n Süüdwesten, Hinteln un Jiddens in’n Westen un Tötsen in’n Noordwesten.

Historie

In’n Eersten Weltkrieg sünd fiev Soldaten ut Eddels fullen oder vermisst.^[1]

Verwaltungsgeschicht

In de Franzosentied von 1810 bet 1814 hett de Oort to de Mairie Hittfeld in’n Kanton Hittfeld höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Vaagdie Hittfeld in dat Amt Horborg tohöört un denn von 1852 bet 1859 to dat Amt Hittfeld. 1859 is dat wedder Deel von dat Amt Horborg worrn. Na 1885 weer dat in’n Kreis Horborg. 1932 is dat Deel von’n ne’en, grötteren Landkreis Horborg worrn.

De Oort is 1928 tohoop mit Karoxbossel Deel von de Gemeen Hittfeld worrn.^[2] De Gemeen Hittfeld is an’n 1. Juli 1972 mit de Gemeenreform in Neddersassen Deel von de Gemeen Seevdaal worrn un billt nu tohoop mit Emmelndörp, Helmsdörp un Lindhost en Oortschop mit egen Oortsraad un Oortsbörgermeester binnen de Gemeen Seevdaal.

Inwahnertall

Johr	Inwahners
1793-00-001793^[3]	9 Füürsteden
1812-00-001812^[4]	82
1824-00-001824^[5]	14 Füürsteden
1848-00-001848^[6]	124 Lüüd, 17 Hüüs
1871-12-011. Dezember 1871^[7]	113 Lüüd, 17 Hüüs
1910-12-011. Dezember 1910^[8]	89

Religion

Eddels is evangeelsch-luthersch präägt un höört to dat Kaspel von de Mauritius-Kark in Hittfeld.

För de Kathoolschen is de St.-Ansgar-Kark in Hittfeld tostännig, dat siet 2014 to de Karkengemeen Goden Hirt in Winsen tohöört.

Kultur

In Eddels steiht en Denkmaal för de Fullenen ut den Eersten Weltkrieg.

Weertschop un Infrastruktur

Verkehr

Dör Eddels löppt de Kreisstraat 11, de in’n Noordwesten na Tötsen geiht un in’n Oosten bi Hittfeld an de Landsstraat 213 ran. De L 213 löppt in’n Noorden över Sinsdörp un Wilsdörp na Horborg un in’n Süden över Helmsdörp, Harmsdörp un Bensdörp na Jesborg.

De nächste Autobahn is de Autobahn 1 (Afsnidd Hamborg–Bremen). De Opfohrt 41 Hittfeld liggt knapp twee Kilometer in’n Süüdoosten von Eddels an de L 213. De Opfohrt 35 Fleest op de A 7 liggt so veer Kilometer in’n Noordoosten an de L 213.

De nächste Bahnhoff is so bi dree Kilometer wied weg in’n Noordoosten de Bahnhoff Hittfeld an de Bahnlien Hamborg–Bremen.

Lüüd

De Maler Leopold von Kalckreuth hett von 1907 af an in Eddels leevt un is dor 1928 doodbleven. Ok de Bildhauers Martin Irwahn un Ruth Godbersen hebbt in Eddels leevt.

Footnoten

↑ http://www.denkmalprojekt.org/dkm_deutschland/hitfeld2.htm
↑ http://agora.sub.uni-hamburg.de/subhh-adress/cntmng;jsessionid=F75F48DBF7C51171703E543E0CDB5126.agora11?type=pdf&did=c1:1278676
↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 62: https://books.google.de/books?id=jN5QAAAAcAAJ&pg=RA1-PA62
↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 60: http://books.google.de/books?id=Q 5OAAAAcAAJ&pg=PA60
↑ C. H. Jansen: Statistisches Handbuch des Königreichs Hannover. 1824, Sied 154: http://books.google.de/books?id=tG0AAAAAcAAJ&pg=RA1-PA154
↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 92: http://books.google.de/books?id=eOI-AAAAcAAJ&pg=PA92
↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 128: https://books.google.de/books?id=qTZDAQAAMAAJ&pg=RA2-PA128
↑ http://www.gemeindeverzeichnis.de/gem1900/gem1900.htm?hannover/harburg.htm

Öörd in de Gemeen Seevdaal

[1] ttp://www.denkmalprojekt.org/dkm_deutschland/hitfeld2.htm

[2] ttp://agora.sub.uni-hamburg.de/subhh-adress/cntmng;jsessionid=F75F48DBF7C51171703E543E0CDB5126.agora11?type=pdf&did=c1:1278676

[InwahnertallRef1-3] Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 62: https://books.google.de/books?id=jN5QAAAAcAAJ&pg=RA1-PA62

[InwahnertallRef2-4] Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 60: http://books.google.de/books?id=Q 5OAAAAcAAJ&pg=PA60

[InwahnertallRef3-5] C. H. Jansen: Statistisches Handbuch des Königreichs Hannover. 1824, Sied 154: http://books.google.de/books?id=tG0AAAAAcAAJ&pg=RA1-PA154

[InwahnertallRef4-6] Friedrich W. Harseim, C. Schlüter: Statistisches Handbuch für das Königreich Hannover. 1848, Sied 92: http://books.google.de/books?id=eOI-AAAAcAAJ&pg=PA92

[InwahnertallRef5-7] Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 128: https://books.google.de/books?id=qTZDAQAAMAAJ&pg=RA2-PA128

[InwahnertallRef6-8] ttp://www.gemeindeverzeichnis.de/gem1900/gem1900.htm?hannover/harburg.htm

[1]

[2]

[3]

[4]

[5]

[6]

[7]

[8]