Metzendörp
Metzendörp (hoochdüütsch Metzendorf) is en Dörp in de Gemeen Seevdaal in’n Landkreis Horborg, Neddersassen. To Metzendörp höört von öllers al Wooxdörp mit bi.
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | 421 (31. Dezember 2017) | |
| Postleettall: | 21218 | |
| Vörwahl: | 04105 | |
| Geograafsche Laag: | Koordinaten:53° 24′ N, 9° 57′ O53° 24′ N, 9° 57′ O | |
 | ||
|
| ||
Geografie ännern
Twee Kilometer in’n Noordoosten liggt de Landsgrenz na Hamborg.
De Naveröörd sünd Wooxdörp in’n Noorden, Wittenbarg un Fleest in’n Noordoosten, Emmelndörp un Hittfeld in’n Süüdoosten, Eddels in’n Süden, Jiddens in’n Süüdwesten, Tötsen in’n Westen un Lüra in’n Noordwesten.
Historie ännern
In’n Eersten Weltkrieg is een Soldaat ut Metzendörp fullen oder vermisst.[1]
Verwaltungsgeschicht ännern
In de Franzosentied von 1810 bet 1814 hett de Oort to de Mairie Mäkelfeld in’n Kanton Hittfeld höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Vaagdie Hittfeld in dat Amt Horborg tohöört un denn von 1852 bet 1859 to dat Amt Hittfeld. 1859 is dat wedder Deel von dat Amt Horborg worrn. Na 1885 weer dat in’n Kreis Horborg. 1932 is dat Deel von’n ne’en, grötteren Landkreis Horborg worrn.
De Gemeen Metzendörp is an’n 1. Juli 1972 mit de Gemeenreform in Neddersassen Deel von de Gemeen Seevdaal worrn un billt nu as Gemeendeel tohoop mit Fleest, Glüsen un Bääkdörp en Oortschop mit egen Oortsraad un Oortsbörgermeester binnen de Gemeen Seevdaal. De Oortsraad hett 15 Liddmaten.
Inwahnertall ännern
| Johr | Inwahners |
|---|---|
| 1793[2] | 3 Füürsteden |
| 1812[3] | 37 |
| 1824[4] | 7 Füürsteden |
| 1848[5] | 50 Lüüd, 7 Hüüs |
| 1. Dezember 1871[6] | 49 Lüüd, 7 Hüüs |
| 1. Dezember 1910[7] | 179 |
| 1925[8] | 183 |
| 1933[8] | 183 |
| 1939[8] | 193 |
| 31. Dezember 2013 | 426 |
Religion ännern
Metzendörp is evangeelsch-luthersch präägt un höört to dat Kaspel von de Mauritius-Kark in Hittfeld.
För de Kathoolschen is de St.-Ansgar-Kark in Hittfeld tostännig, dat siet 2014 to de Karkengemeen Goden Hirt in Winsen tohöört.
Kultur ännern
Wandtafeln in Gedenken an de Fullenen ut den Eersten Weltkrieg hängt in Hittfeld an de Kark.
Verenen ännern
De Schüttenvereen Fleest un Ümgegend, in den de Metzendörper Schütten mit in sünd, is an’n 17. April 1898 grünnt worrn.
Weertschop un Infrastruktur ännern
As freewillige Füürwehr is de Füürwehr Bääkdörp-Metzendörp tostännig, de an’n 1. April 1937 grünnt worrn is. Vörher weer de Löschgrupp Wooxdörp-Metzendörp von de Freewillige Füürwehr Sinsdörp för Metzendörp tostännig.
Verkehr ännern
Dör Metzendörp löppt de Kreisstraat 69, de in’n Noordoosten na Bääkdörp geiht un in’n Westen na Tötsen.
De nächste Autobahn is de Autobahn 7. De Opfohrt 35 Fleest liggt so dree Kilometer in’n Noordoosten von Metzendörp.
De nächste Bahnhoff is knapp twee Kilometer wied weg in’n Oosten de Bahnhoff Hittfeld an de Bahnlien Hamborg–Bremen.
Literatur ännern
- Unter alten Eichen: Chronik von Emmelndorf, Woxdorf und Metzendorf. Reinhold, 1992
Footnoten ännern
- ↑ http://www.denkmalprojekt.org/dkm_deutschland/hitfeld2.htm
- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 154: https://books.google.de/books?id=jN5QAAAAcAAJ&pg=PA154
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 60: http://books.google.de/books?id=Q 5OAAAAcAAJ&pg=PA60
- ↑ C. H. Jansen: Statistisches Handbuch des Königreichs Hannover. 1824, Sied 406: http://books.google.de/books?id=tG0AAAAAcAAJ&pg=PA406
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 92: http://books.google.de/books?id=eOI-AAAAcAAJ&pg=PA92
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 129: https://books.google.de/books?id=qTZDAQAAMAAJ&pg=RA2-PA129
- ↑ http://www.gemeindeverzeichnis.de/gem1900/gem1900.htm?hannover/harburg.htm
- ↑ a b c http://www.verwaltungsgeschichte.de/harburg.html
Bääkdörp | Bullenhuus | Emmelndörp | Fleest | Glüsen | Groot-Moor | Helmstörp | Hittfeld mit Eddels un Karoxbossel | Holtörp | Host | Hössen | Lütt-Moor | Lindhost | Maschen | Mäkelfeld | Metzendörp mit Wooxdörp | Ohlendörp | Over | Ramßel