Hinteln

Wapen/Flagg	Koort
Basisdaten
Bundsland: Neddersassen Landkreis: Horborg Gemeen: Rosengoorn
Inwahners:
Postleettall:	21224
Vörwahl:	04108
Geograafsche Laag:	53° 23′ N, 9° 54′ O

Hinteln (hoochdüütsch Hinteln) is en Oort in de Gemeen Rosengoorn in’n Landkreis Horborg, Neddersassen. De Oort höört polietsch al von öllers bi Jiddens mit bi.

Luftbild von Jiddens un Hinteln (Hinteln in’n Achtergrund)

Geografie

De Naveröörd sünd Westerhoff un Jiddens in’n Noordoosten, Eddels in’n Oosten, Klecken un Eekel in’n Süüdoosten, Ninndörp in’n Süüdwesten, Ems in’n Westen un Langenrehm, Sieversen un Leversen in’n Noordwesten.

Historie

Verwaltungsgeschicht

In de Franzosentied von 1810 bet 1814 hett de Oort to de Mairie Hittfeld in’n Kanton Hittfeld höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Vaagdie Hittfeld in dat Amt Horborg tohöört un denn von 1852 bet 1859 to dat Amt Hittfeld. 1859 is dat wedder Deel von dat Amt Horborg worrn. Na 1885 weer dat in’n Kreis Horborg. 1932 is dat Deel von’n ne’en, grötteren Landkreis Horborg worrn.

De Oort is as Deel von de Gemeen Jiddens an’n 1. Juli 1972 mit de Gemeenreform in Neddersassen an de Gemeen Rosengoorn kamen un is dor nu Deel von de Oortschop Jiddens.

Inwahnertall

Johr	Inwahners
1793-00-001793	1 Füürsteed
1824-00-001824	1 Füürsteed
1848-00-001848	37 Lüüd, 4 Hüüs
1871-12-011. Dezember 1871	29 Lüüd, 5 Hüüs

Religion

Hinteln is evangeelsch-luthersch präägt un höört siet 1926 to dat Kaspel von de Krüüzkark in Ninndörp. Vörher hett dat to dat Kaspel von de Mauritius-Kark in Hittfeld höört.

För de Kathoolschen is de Petrus-Kark in Bookholt tostännig.

Weertschop un Infrastruktur

Verkehr

Dör Hinteln löppt de Kreisstraat 85, de in’n Noordoosten över Jiddens un Tötsen löppt un bi Lüra to de Bundsstraat 75 warrt, de na Horborg geiht. In’n Süüdwesten löppt de K 85 na Ninndörp an de Opfohrt 42 Dibbersen von de Autobahn 1 ran. Disse Opfohrt liggt so bi twee Kilometer in’n Süüdwesten von Hinteln. Op de anner Sied von de Autobahn geiht de K 85 in de B 75 över, de an Bookholt langs geiht. In’n Westen löppt de K 26 na Ems.

De nächste Bahnhoff is so bi veer Kilometer wied weg in’n Süüdoosten de Bahnhoff Klecken an de Bahnlien Hamborg–Bremen.