Flohborg
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27632 | |
| Vörwahl: | 04742 | |
| Geograafsche Laag: | Koordinaten:53° 41′ N, 8° 31′ O53° 41′ N, 8° 31′ O | |
|
| ||
Flohborg (hoochdüütsch Flohburg) is en lütten Oort in de Gemeen Wuster Noordseeküst in’n Landkreis Cuxhoben, Neddersassen. De Oort höört polietsch von öllers bi Misselwarden mit bi.
Geografie
ännernDe Oort liggt in de Masch von Land Wusten. De Noordsee is knapp twee Kilometer in’n Westen. Dat Water ut dat Rebeed flütt över de Misselwardener Waterlöös af.
De Naveröörd sünd Engbüttel un Weitenweg in’n Noorden, Rotthusen, Themeln un Dourm in’n Noordoosten, Barlinghusen in’n Oosten, Veerhusen in’n Süüdoosten, Misselwarden un Lütjendörp in’n Süden, Feldhoff in’n Süüdwesten, Höcht in’n Westen un Harmsbüttel in’n Noordwesten.
Historie
ännernVerwaltungsgeschicht
ännernIn de Franzosentied von 1810 bet 1814 hett de Oort to de Mairie Wreem in’n Kanton Dourm höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort weer vör 1852 in dat Twendammer Veerdel von dat Kaspel Misselwarden un hett to dat Vaagdiegericht Land Wusten tohöört. Von 1852 bet 1885 leeg de Oort in’t Amt Dorum un denn in’n Kreis Leh. 1932 is dat Deel von’n Kreis Wersermünn worrn un 1977 von’n Landkreis Cuxhoben.
Mit de Gemeenreform in Neddersassen an’n 1. März 1974 is de Gemeen Misselwarden Deel von de Samtgemeen Land Wusten worrn. To’n 1. Januar 2015 is de Gemeen Misselwarden oplööst un ut de ganze Samtgemeen Land Wusten is tohoop mit de Gemeen Noordholt de ne’e Gemeen Wuster Noordseeküst worrn.
Inwahnertall
ännern| Johr | Inwahners |
|---|---|
| 1791[1] | 7 Füürsteden |
| 1812[2] | 32 |
| 1824[3] | 9 Füürsteden |
| 1. Dezember 1871[4] | 27 Lüüd, 5 Hüüs |
Religion
ännernFlohborg is evangeelsch-luthersch präägt un höört to dat Kaspel von de Katharinen-Kark in Misselwarden.
För de Kathoolschen is de Hillig-Hart-Jesu-Kark in Bremerhoben-Leh tostännig.
Weertschop un Infrastruktur
ännernVerkehr
ännernFlohborg liggt an de Kreisstraat 68, de in’n Noorden an Padingbüddel langs op Dourmer Neefeld to geiht un in’n Süüdoosten bi Mulsen an de Landsstraat 129 ran. De L 129 geiht in’n Noordoosten na Mulsen, Dourm un Millm un in’n Süden na Wreem, Dingen un Weddewarden.
De nächste Autobahn is de Autobahn 27 (Afsnidd Bremerhoben–Cuxhoben). De Opfohrt 4 Niewohl liggt so twölv Kilometer in’n Oosten von Flohborg an de L 119.
De nächste Bahnhoff is so bi fiev Kilometer wied weg in’n Süden de Bahnhoff Wreem an de Bahnlien Bremerhoben–Cuxhoben.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 75
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 103
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 188
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 153
