Höcht (Land Wusten)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27639 | |
| Vörwahl: | 04742 | |
| Geograafsche Laag: | Koordinaten:53° 41′ N, 8° 30′ O53° 41′ N, 8° 30′ O | |
|
| ||
Höcht (hoochdüütsch Höchte) is en Oort in de Gemeen Wuster Noordseeküst in’n Landkreis Cuxhoben, Neddersassen. De Oort höört polietsch von öllers bi Misselwarden mit bi.
Geografie
ännernDe Oort liggt in de Masch von Land Wusten. De Noordsee liggt so bi 700 Meter in’n Westen. Dat Water ut dat Rebeed flütt över Gravens af na de Misselwardener Waterlöös.
De Naveröörd sünd Bowarden, Misselwardener Nedderstreek un Fockwarden in’n Noorden, Harmsbüttel un Engbüttel in’n Noordoosten, Flohborg in’n Oosten, Lütjendörp un Misselwarden in’n Süüdoosten, Feldhoff in’n Süden, Smarrn in’n Süüdwesten, Grohden in’n Westen un Solthörn in’n Noordwesten.
Historie
ännernVerwaltungsgeschicht
ännernDe Oort weer vör 1852 in dat Süderveerdel von dat Kaspel Misselwarden un hett to dat Vaagdiegericht Land Wusten tohöört. Von 1852 bet 1885 leeg de Oort in’t Amt Dorum un denn in’n Kreis Leh. 1932 is dat Deel von’n Kreis Wersermünn worrn un 1977 denn von’n Landkreis Cuxhoben.
Mit de Gemeenreform in Neddersassen an’n 1. März 1974 is de Gemeen Misselwarden Deel von de Samtgemeen Land Wusten worrn. To’n 1. Januar 2015 is de Gemeen Misselwarden oplööst un ut de ganze Samtgemeen Land Wusten is tohoop mit de Gemeen Noordholt de ne’e Gemeen Wuster Noordseeküst worrn.
Inwahnertall
ännern| Johr | Inwahners |
|---|---|
| 1. Dezember 1871[1] | 24 Lüüd, 5 Hüüs |
Religion
ännernHöcht is evangeelsch-luthersch präägt un höört to dat Kaspel von de Katharinen-Kark in Misselwarden.
För de Kathoolschen is de Hillig-Hart-Jesu-Kark in Bremerhoben-Leh tostännig.
Weertschop un Infrastruktur
ännernVerkehr
ännernHöcht is över lüttjere Straten verbunnen mit de Kreisstraat 68, de in’n Noordoosten an Padingbüddel un Spiek langs na Noordholt geiht un in’n Süüdoosten över Misselwarden an de Landsstraat 129 bi Mulsen ran. De L 129 löppt in’n Süden över Wremen, Dingen un Weddewarden na Bremerhoben-Speckenbüttel un in’n Noordoosten na Mulsen, Dorum un Millm.
De nächste Autobahn is de Autobahn 27 (Afsnidd Bremerhoben–Cuxhoben). De Opfohrt 4 Niewohl liggt so 14 Kilometer in’n Oosten von Höcht an de L 119.
De nächste Bahnhoff is so bi fiev Kilometer wied weg in’n Süüdoosten de Bahnhoff Wremen an de Bahnlien Bremerhoben–Cuxhoben.
Footnoten
ännern- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 153
