Freudendaal (Landkreis Cuxhoben)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21785 | |
| Vörwahl: | 04752 | |
| Geograafsche Laag: | Koordinaten:53° 49′ N, 8° 58′ O53° 49′ N, 8° 58′ O | |
|
| ||
Freudendaal (hoochdüütsch Freudental) is en Hoff in de Gemeen Belen (Samtgemeen Land Hadeln) in’n Landkreis Cuxhoben, Neddersassen. De Oort höört polietsch al von öllers bi Belen mit bi.
Geografie
ännernFreudendaal liggt in de Masch achter’n Diek von de Elv. In’n Westen löppt de Haadler Kanaal langs. De Haadler Kanaal liggt op de ole Grenz na Hadeln.
De Naveröörd sünd Belen in’n Oosten, Esch in’n Süüdoosten, Bahrdörp un Westerndörp in’n Süden un Mahrdörp in’n Westen.
Historie
ännernDat Good hett de Familie von Marschalck tohöört. Över Sebastian Marschalck siene Dochter Anna Maria, de Bernhard Heinrich Wolffeld freet hett, is de Hoff an de Familie Wolffeld kamen.[1]
Dat Eddelgood hett üm 1760 de Familie von der Lieth tohöört[2] un noch later wedder de Familie von Marschalck.
De Hoff is an’n 16./17. März 1687 afbrennt, aver wedder opboot worrn.[1]
Verwaltungsgeschicht
ännernDe Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
Inwahnertall
ännern| Johr | Inwahners |
|---|---|
| 1793[3] | 1 Füürsteed |
| 1824[4] | 1 Füürsteed |
| 1848[5] | 14 Lüüd, 1 Huus |
| 1. Dezember 1871[6] | 12 Lüüd, 1 Huus |
Religion
ännernFreudendaal is evangeelsch-luthersch präägt un höört to dat Kaspel von de Vitus-Kark in Belen.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur
ännernVerkehr
ännernFreudendaal liggt an de Bundsstraat 73, de in’n Westen över Oterndörp na Cuxhoben geiht un in’n Süüdoosten över Neehuus, Kumbarg un Hemmoor na Stood.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 19 Kilometer in’n Westen von Freudendaal.
De nächste Bahnhoff is so bi fiev Kilometer wied weg in’n Süüdwesten de Bahnhoff Oterndörp an de Nedderelvbahn.
Footnoten
ännern- ↑ a b Archiv des Vereins für Geschichte und Altertümer der Herzogtümer Bremen und Verden und des Landes Hadeln zu Stade. Band 6, Pockwitz, Stood 1877, Sied 136
- ↑ Johann Hinrich Pratje: Vermischte historische Sammlungen. 1845, Sied 544
- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 77: https://books.google.de/books?id=jN5QAAAAcAAJ&pg=RA1-PA77
- ↑ C. H. Jansen: Statistisches Handbuch des Königreichs Hannover. 1824, Sied 194: http://books.google.de/books?id=tG0AAAAAcAAJ&pg=PA194
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 135: http://books.google.de/books?id=eOI-AAAAcAAJ&pg=PA135
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 146: https://books.google.de/books?id=qTZDAQAAMAAJ&pg=RA2-PA146
