Gemeen Eiten

Eiten (hoochdüütsch Oyten) is ene Eenheitsgemeen in dat Bundsland Neddersassen in Düütschland. Se liggt in den Landkreis Veern un hett 16.420 Inwahners (Stand 31. Dezember 2023) op en Rebeet vun 63,47 km².

Wapen/Flagg	Koort
Basisdaten
Landkreis: Veern Bundsland: Neddersassen
Flach:	63,47 km²
Inwahners:	16.420 (31. Dezember 2023)
Hööchd:	15 m över de See
Postleettall:	28876
Vörwahl:	04207
Geograafsche Laag:	53° 4′ N, 9° 1′ O
Grenzen bi OSM:	1182034
Gemeenslötel:	03 3 61 009
Öörd in de Gemeen:	8
Börgermeester:	Manfred Cordes
Websteed:	www.oyten.de
Koort Kreis Laag von de Gemeen Gemeen Eiten in’n Landkreis Veern (Koort lett sik anklicken)

To de Gemeen höört de Öörd Bassen, Booköss, Meyerdamm, Eiten-Noord, Eiten-Süüd, Eiterdamm, Sao’ern un Schaaphusen to.

Historie

De Gemeen Eiten is an’n 1. Januar 1963 billt worrn, as sik de vörher egenstännigen Gemenen Eiten, Eiterdamm, Meyerdamm, Sao’ern un Booköss freewillig to een Gemeen tohoopslaten hebbt. An’n 1. April 1968 is tosätzlich noch Schaaphusen Deel von disse Gemeen worrn. Mit de Gemeenreform in Neddersassen an’n 1. Juli 1972 is ok noch Bassen an de Gemeen Eiten kamen.

Politik

Börgermeesters

Tied	Naam	Partei
–1864	Johann Heins
1864–1883	Johann Ellmers
1883–1889	Johann Fehsenfeld
1889–1919	Bösche Meyer
1919–1924	Johann Heitmann
1924–1926	Otto Hahne
1926–1931	Claus Sembach
1931–1946	Heinrich Blohme
1946–1948	Ernst Brockmann
1948–1968	Hinrich Lübkemann
1968–1972	Cord Rieger
1972–1981	Albert Duhn	SPD
1981–1988	Hans-Dieter Jacobs	CDU
1988–1996	Kurt Meier	CDU
1996–2001	Albert Duhn	SPD
2001–	Manfred Cordes	SPD

Weertschop un Infrastruktur

De Hauptoord Eiten gellt na dat Regionale Ruumordnungsprogramm as Grundzentrum för de Öörd in de Ümgegend.

Scholen

De Gemeen is Dreger von de Grundscholen Bassen, Eiten un Sao’ern un von de Integreerte Gesamtschool Eiten.

Kiek ok bi

• Projekt to'n Sammeln vun plattdüütsche Oortsnaams in de Landkreise Deefholt, Nienborg/Werser un Veern

Weblenken

Gemeen Eiten. Mehr Biller, Videos oder Audiodateien to’t Thema gifft dat bi Wikimedia Commons.

• Websteed vun de Gemeen (hoochdüütsch)

Städer un Gemenen in den Landkreis Veern

Achem | Blenner | Dörbern | Emhusen | Kerklinneln | Langwedel | Otterbarg | Eiten | Rier | Thänhusen | Veern