Georg Christian Nanne
Georg Christian Nanne (* 1791 in Dannenbarg; † 1862 in Hannover) weer en düütschen Verwaltungsbeamten.
Nanne is 1791 as Söhn von Carstine Dorothea Catharina, borene Hencke, un den Verwaltungsbeamten Georg Heinrich Friedrich Nanne (1761–1795) in Dannenbarg boren. He weer bet Michaelis 1809 Schöler op dat Katharineum in Lübeck[1] un hett sik an’n 26. Oktober 1809 för en Studium von de Juristeree an de Universität Göttingen inschreven. In Göttingen is he na studentsche Stammböker woll 1810 Maat von dat Corps Hannovera Göttingen worrn.[2][3] In de Befre’ungskriege weer he 1813 bet 1815 as Freewilligen Soldaat un hett ok in de Slacht bi Waterloo fuchten. Na Studium un Soldatentied is he in’n hannöverschen Verwaltungsdeenst gahn. He is 1818 Amtsassesser in dat Amt Liebenburg worrn un weer denn bi de Stadtvaagdie Hannover un in de Ämter Medingen, Horborg un Neehuus.
Nadem de Amtmann von dat Amt Mesborg, Christoph Friedrich Sarnighausen, 1834 doodbleven is, hett Nanne as Amtsassesser dat Leid över dat Amt övernahmen. 1836 is he richtigen Amtmann worrn. 1838 hett Claus von der Decken dat Amt Mesborg övernahmen. Nanne is denn as Amtmann in dat Amt Wustrow versett worrn. 1853 güng he in Rohstand.
Nanne weer verheiraadt un harr een Söhn. He hett von dat Königriek Hannover de Waterloo-Medallje kregen.
Footnoten
ännern- ↑ Hermann Genzken: Die Abiturienten des Katharineums zu Lübeck (Gymnasium und Realgymnasium) von Ostern 1807 bis 1907. Borchers, Lübeck 1907, S. 10 Nr. 8 (Bilaag to dat Schoolprogramm 1907) Digitalisat, Universitäts- un Landsbibliothek Düsseldörp
- ↑ Kösener Corpslisten 1960, 42, 104
- ↑ Heinrich Ferdinand Curschmann: Blaubuch des Corps Hannovera zu Göttingen. Band 1 (1809-1899), Göttingen 2002, Nr. 65