George Takei
George Hosato Takei (* 20. April 1937 in Los Angeles, Kalifornien, USA) is en US-amerikaanschen Film- un Feernsehschauspeler. Weltweit bekannt worrn is Takei dör sien Rull Hikari Sulu in de original Star-Trek-Reeg Star Trek (dt.: Raumschiff Enterprise) un de Kinofilmen, de dat to de Reeg geven hett.
Leven un Wark ännern
Takei is wiel den Tweeten Weltkrieg twüschen sien veert un acht Levensjohr as een vun de 120.000 japaanschstämmigen US-amerikaners ahn Anklaag in en Internerenslager sparrt worrn. Later hett he Schauspeel studeert un is kort na sien Afsluss an de University of California al politisch aktiv worrn. He hett sik för de Börgerrechten insett un hett 1973 blots knapp de Wahl in den Stadtraat vun Los Angeles verpasst. Dorna hett he sik op sien Loopbahn as Schauspeler kunzentreert. He hett in en mehr as 150 Film- un Feernsehprodukschonen mitspeelt. Beropen worrn is he aver dör sien Rull in Star Trek, de he in de eersten Original-Feernsehreeg un eenige Kinofilmen speelt hett.
Blangen de Schauspeleree hett he ok twee Böker schreven. Dat eerste weer de Science-Fiction-Roman Mirror Friend, Mirror Foe, den he 1979 tosamen mit Robert Asprin publizeert hett. 1994 hett he bi Pocket Books sien Autobiografie To the Stars rutbröcht, de 1997 ok in Hoochdüütsch ünner den Titel Zu den Sternen rutkeem.
Siet 1987 leevt Takei mit sien Partner un Manager Brad Altman (*1954) tosamen.[1] Sien Mudder hett ehr letzten Johren bi de beiden verleevt un is vun jem pleegt worrn.[2] In dat Johr 2005 hett sik Takei to’n eersten mol apentlich in de Tietschrift Frontiers to sien Homosexualität utlaten, üm sik dormit för en gliekgeslechtliche Eh stark to maken. Ünner sien Fans weer dat aver al länger bekannt. Sien Partner hett he an’n 14. September 2008 in’t Japaansch-Amerikaansche Natschonalmuseum in Los Angeles för en buddhistischen Preester heiraat. Trotügen weern sien Star-Trek-Kollegen Nichelle Nichols (Lt. Uhura) un Walter Koenig (Pavel Chekov).[2] Mööglich worrn is dat as en kalifoornsch Gericht dat Verbott vun de gliekgeslechtlichen Ehn ophaven harr.
George Takei is Buddhist[3] un sett sik wieterhen för de Rechten vun Homosexuellen in.[4]
Filmografie (Utwahl) ännern
| Johr | Titel | Synchroonsnacker |
|---|---|---|
| 1960 | Ice Palace dt.: Titanen |
Gerd Martienzen |
| 1965 | Red Line 7000 dt.: Rote Linie 7000 |
|
| 1968 | The Green Berets dt.: Die grünen Teufel |
Fred Maire |
| 1966-69 | Star Trek, Feernsehreeg dt.: Raumschiff Enterprise |
Fred Klaus |
| 1972 | Josie’s Castle | |
| 1973-74 | Star Trek: The Animated Series, Stimm, Feernsehreeg dt.: Die Enterprise |
Fred Klaus |
| 1979 | Star Trek: The Motion Picture dt.: Star Trek:Der Film |
Helmut Gauß |
| 1982 | Star Trek II: The Wrath of Khan dt.: Star Trek II: Der Zorn des Khan |
Helmut Gauß |
| 1984 | Star Trek III: The Search for Spock dt.: Star Trek III: Auf der Suche nach Mister Spock |
Helmut Gauß |
| 1986 | Star Trek IV: The Voyage Home dt.: Star Trek IV: Zurück in die Gegenwart |
Tommi Piper |
| 1989 | Return from the River Kwai dt.: Zurück vom River Kwai |
Willi Röpke |
| 1989 | Star Trek V: The Final Frontier dt.: Star Trek V: Am Rande des Universums |
Tommi Piper |
| 1990 | Blood Oath dt.: Blutiger Schwur |
|
| 1991 | Star Trek VI: The Undiscovered Country dt.: Star Trek VI: Das unentdeckte Land |
Fred Klaus |
| 1993 | Live By the Fist dt.: American Samurai 2 |
|
| 1995 | Kissinger and Nixon, Feernsehn | |
| 1998 | Bug Buster | |
| 1998 | Mulan, Stimm | Wolfgang Dehler |
| 2002 | Noon Blue Apples, Stimm | |
| 2004 | The Eavesdropper | |
| 2006 | A.I. Assault, Feernsehn dt.: Kampf der Maschinen |
Michael Schwarzmaier |
| 2003-07 | Kim Possible, Feernsehfolgen, Stimm | Roland Hemmo |
| 2008 | Ninja Cheerleaders | |
| 2007-2010 | Heroes, Feernsehreeg | Helmut Gauß |
| 2010 | Submission | |
| 2012 | The Red Canvas dt.: Blood Fighter – Hölle Hinter Gitter |
Sven Brieger |
| 2012 | Space Milkshake, Stimm | |
| 2010-13 | Supah Ninjas, Feernsehreeg, Stimm | Helmut Gauß |
| 2013 | Free Birds, Trickfilm dt.: Free Birds – Esst uns an einem anderen Tag |
Oliver Kalkofe |
| 2014 | Bonta 3D, Trickfilm | |
| 2014 | Eat with Me | |
| 2016 | Kubo and the Two Strings, Animatschoon dt.: Kubo: Der tapfere Samurai |
Wolfgang Condrus |
Utteken ännern
- George Takei is 1986 mit sien Steern op’n Hollywood Walk of Fame (Feernsehn) ehrt worrn. He weer de eerste japaansch-US-amerikaansche Schauspeler, de dor en Steern kregen hett.
- 2004 is Takei mit den japaanschen Orden vun de Opgahn Sünn, 4. Klass uttekent worrn för sien Verdeensten üm de amerikaansch-japaanschen Relatschonen.[5]
Publikatschonen ännern
- Zu den Sternen. Die offizielle Autobiographie von George Takei, Star Treks Mr. Sulu. Heel Verlag, Königswinter 1997, ISBN 3-89365-581-6.
- mit Robert Asprin: Mirror Friend, Mirror Foe. Playboy, 1979, ISBN 0-87216-581-7.
Borns ännern
- ↑ Carsten Weidemann George Takei geht immer mit Kuss ins Bett, queer.de, afropen an’n 16. Januar 2008
- ↑ a b AP/ala: „STAR-TREK“"-HOCHZEIT – Captain Sulu heiratet Lebensgefährten. op spiegel.de, an’n 15. September 2008
- ↑ Alex Altman: Q&A: George Takei on Prop 8 in’t Time-Magazine vun’n 6. November 2008 afropen an’n 14. August 2010
- ↑ Klagen gegen Verbot der «Homo-Ehe» in Kalifornien - Yahoo! Narichten Düütschland, afropen an’n 6. November 2008
- ↑ Biography op Takei sien offiziellen Websteed afropen an’n 5. Februar 2011 (engelsch)
Weblenken ännern
- George Takei in de Internet Movie Database (engelsch)
- Literatur vun un över George Takei in’n Kataloog vun de Düütschen Natschonalbökeree
- Offizielle Websteed (engelsch)