Gericht Oosten
Dat Gericht Oosten weer en königlich Gericht un Verwaltungsrebeed in Bremen-Veern un in dat Königriek Hannover mit Seet in Oosten binnen de Landdrostie Stood. Dor hett dat Rebeed von de hüdige Gemeen Oosten tohöört. Dat leeg in dat Kaspel Oosten.
Geografie
ännernIn’n Noorden von dat Gericht leeg dat Grevengericht Freeborg, in’n Noordoosten dat Amt Wischhoben, in’n Oosten dat Grevengericht Bützfleet, in’n Süden dat Amt Himmelpoorten, in’n Süüdwesten dat Amt Bremervöör un in’n Noordwesten dat Amt Neehuus (Stand 1848).
Historie
ännern1470 hett de Familie von Rönne dat Richteramt in Oosten von’n Bremer Arzbischop as Lehn kregen. Later hett aver de König de Richters insett.
1810 hett Frankriek ünner Napoleon dat Gericht innahmen. In disse Franzosentied hett dat toeerst bet to’n 31. Dezember 1810 to dat Departement von de Elv- un Wersermünn in dat Königriek Westfalen höört un denn to dat Departement von de Elvmünnen un direkt to Frankriek. Oosten weer in disse Tied de Seet von de Mairie Oosten in’n Kanton Himmelpoorten. 1813 müssen de Franzosen dat Rebeed denn opgeven un de ole Stand is wedderkamen.
De Kriminalgerichtsborkeit för dat Gericht Oosten hett 1830 dat Amt Himmelpoorten övernahmen.[1]
1848 weer dat Gericht so 65,01 km²[2] groot.
Bi de Verwaltungs- un Justizreform an’n 1. Oktober 1852 is dat Gericht Oosten oplööst un Deel von dat gröttere Amt Oosten worrn.
| Oort | Lüüd | Hüüs | Aard | Status | |
|---|---|---|---|---|---|
| 1 | Olendörp | 1688 | 251 | Buurschop | Gemeen |
| Good Olendörp | 14 | 1 | Eddelgood | ||
| Oosten | 848 | 130 | Dörp | ||
| 2 | Hüll | 991 | 190 | Buurschop | |
| 3 | Isensee | 1095 | 189 | Buurschop |
Inwahnertall
ännern| Johr | Inwahners |
|---|---|
| 1810[3] | 3.755 Lüüd, 673 Füürsteden |
| 1823[4] | 3.824 Lüüd, 688 Hüüs |
| 1848[2] | 4.636 Lüüd, 761 Hüüs |
Richters
ännern- vörher: Familie von Rönne as Lehn
- 1650–: Johann Friederich von Arensen
- 1667–: Hinrich Vaget
- ~1685: Johann Lorenz Thomas
- 1702–: Andreas Mayer
- –1712: Peter Daniel Gohl
- 1712–1715: Adam Böhmer
- –1741: Johann Casimir Kirchmann
- –1752: Hermann Adolph von der Beck
- 1752–: Gustav Carl von Brandt
- –1790: Hartwig von Töbing
- 1790–: Johann Friedrich Wilhelm von Düring
- ~1819: Friedrich August von Issendorf
- Carl von Hartwig
- ~1830: Amtsassesser supernumerär Hermann Heinrich Ludewig Rotermund
- ~1836: Amtsassesser Christoph Friedrich Eberhard Müller
- ~1840: –
- ~1850: Amtsassesser Heinrich Holtzermann
- –1852: Amtsassesser Hans Wilhelm August Chüden
Footnoten
ännern- ↑ Gesetze, Verordnungen und Ausschreiben für das Königreich Hannover. Band 2, 1839, Sied 1
- ↑ a b c Friedrich W. Harseim, C. Schlüter: Statistisches Handbuch für das Königreich Hannover. 1848, Sied 145: http://books.google.de/books?id=eOI-AAAAcAAJ&pg=PA145
- ↑ Peter Adolf Winkopp: Der Rheinische Bund. Band 16, Mohr, Frankfort an’n Main 1810, Sied 138: https://books.google.de/books?id=c24IAAAAQAAJ&pg=PA138
- ↑ Johann G. L. W. Ubbelohde: Statistisches Repertorium über das Königreich Hannover. Hahn, 1823, Sied 86: https://books.google.de/books?id=Rvs-AAAAcAAJ&pg=PA86
