Grafel (Landkreis Veern)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27308 | |
| Vörwahl: | 04238 | |
| Geograafsche Laag: | Koordinaten:52° 52′ N, 9° 23′ O52° 52′ N, 9° 23′ O | |
|
| ||
Grafel (hoochdüütsch Grafel) is en lütten Oort in de Gemeen Kerklinneln in’n Landkreis Veern, Neddersassen. Binnen de Gemeen Kerklinneln höört de Oort to de polietsche Oortschop Stemmen.
Geografie
ännernDe Oort liggt in dat siede Land direkt an dat Över von de Lehrde.
De Naveröörd sünd Lehrn in’n Noordoosten, Noordkampen in’n Süüdoosten, Stemmen in’n Süüdwesten un Neernabargen in’n Noordwesten.
Historie
ännernGrafel geiht trügg op en olen eenstelligen Hoff, de siet dat 16. Johrhunnert de Familie Stork tohöört. Op’n Hoff sünd Schaap hollen worrn un ok Holt is in’n Busch ümto slahn worrn. In dat 19. Johrhunnert is en Watermöhl an de Lehrde anleggt worrn.
Verwaltungsgeschicht
ännernIn de Franzosentied von 1810 bet 1814 hett de Oort to de Mairie Kerklinneln in’n Kanton Veern höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1849 to dat Strukturgericht Veern tohöört un denn von 1849 bet 1885 to dat Amt Veern. Na 1885 weer dat in’n Kreis Veern, de 1932 mit’n Kreis Achem tohoopleggt worrn is un den ne’en un grötteren Kreis Veern billt hett.
De Oort hett von öllers to de Gemeen Stemmen tohöört, de an’n 1. Juli 1972 mit de Gemeenreform in Neddersassen Deel von de Gemeen Kerklinneln worrn is.
Inwahnertall
ännern| Johr | Inwahners |
|---|---|
| 1791[1] | 1 Füürsteed |
| 1812[2] | 11 |
| 1824[3] | 1 Füürsteed |
| 1848[4] | 10 Lüüd, 1 Huus |
| 1. Dezember 1871[5] | 10 Lüüd, 1 Huus |
| 1. Dezember 1885[6] | 13 Lüüd, 2 Hüüs |
| 1. Dezember 1905[7] | 29 Lüüd, 5 Hüüs |
Religion
ännernGrafel is evangeelsch-luthersch präägt un höört to dat Kaspel von de Jakobi-Kark in Wittloh.
För de Kathoolschen is de St.-Josef-Kark in Veern tostännig.
Weertschop un Infrastruktur
ännernVerkehr
ännernGrafel liggt an en Siedenstraat von de Landsstraat 160, de in’n Noordwesten över Hogenabargen na Veern an de Bundsstraat 215 ran geiht un in’n Süüdoosten över Süüdkampen na Kerkboitzen an de Bundsstraat 209. Von de L 160 na Süüdwesten af geiht de Kreisstraat 19, de na Stemmen un Wittloh an de L 159 föhrt.
De nächste Autobahn is de Autobahn 27 (Afsnidd Bremen–Wasra). De Opfohrt 26 Veern-Oost liggt so 14 Kilometer in’n Noordwesten von Grafel an de L 171. De Opfohrt 27 Wasra-West liggt 15 Kilometer in’n Süüdoosten an de B 209.
De nächste Bahnhoff is so bi 13 Kilometer wied weg in’n Noordwesten de Bahnhoff Veern an de Bahnlien Wunsdörp–Bremen. Disse Bahnhoff is ok inbunnen in dat Nett von de Regio-S-Bahn Bremen/Neddersassen. Op de Bahnlien Veern–Wasra hett dat von 1910 bet 1969 Personenverkehr geven. De Bahnhoff Stemmen weer in disse Tied annerthalv Kilometer in’n Süüdwesten.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 86
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 101
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 218
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 155
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 164
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 175
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 181
