Stemmen (Gemeen Kerklinneln)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | 97 (2008) | |
| Postleettall: | 27308 | |
| Vörwahl: | 04238 | |
| Geograafsche Laag: | Koordinaten:52° 52′ N, 9° 22′ O52° 52′ N, 9° 22′ O | |
|
| ||
Stemmen (hoochdüütsch Stemmen) is en Dörp in de Gemeen Kerklinneln in’n Landkreis Veern, Neddersassen. Binnen de Gemeen billt de Oort en egen polietsche Oortschop.
Bi Stemmen höört von öllers ok de lüttje Oort Grafel un de Hüüs von Waterloo (an de L 160) mit bi.
Geografie
ännernDe Oort liggt op dat linke Över von de Lehrde.
De Naveröörd sünd Neernabargen in’n Noorden, Lehrn un Grafel in’n Noordoosten, Noordkampen in’n Oosten, Witten Kampen in’n Süüdoosten, Odersen un Wittloh in’n Süüdwesten un Hogenabargen un Armsen in’n Noordwesten.
Historie
ännernIn Stemmen is siet dat 11. Johrhunnert en Watermöhl nawiest. Dat hüdige Gebüüd is von 1898.
In’n Eersten Weltkrieg sünd negen Soldaten ut Stemmen fullen oder vermisst un in’n Tweten Weltkrieg ok negen.[1]
Verwaltungsgeschicht
ännernIn de Franzosentied hett de Oort toeerst 1810 bet 1811 binnen dat Königriek Westfalen to de Mairie Wittloh in’n Kanton Veern höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Kerklinneln in’n Kanton Veern.
De Oort hett vör 1849 to dat Strukturgericht Veern tohöört un denn von 1849 bet 1885 to dat Amt Veern. Na 1885 weer dat in’n Kreis Veern, de 1932 mit’n Kreis Achem tohoopleggt worrn is un den ne’en un grötteren Kreis Veern billt hett.
De Oort is an’n 1. Juli 1972 mit de Gemeenreform in Neddersassen Deel von de Gemeen Kerklinneln worrn un billt sietdem en Oortschop mit egen Oortsvörsteiher.
Inwahnertall
ännern| Johr | Inwahners |
|---|---|
| 1791[2] | 9 Füürsteden |
| 1812[3] | 109 |
| 1824[4] | 10 Füürsteden |
| 1848[5] | 123 Lüüd, 20 Hüüs |
| 1. Dezember 1871[6] | 117 Lüüd, 16 Hüüs |
| 1. Dezember 1885[7] | 93 Lüüd, 14 Hüüs |
| 1. Dezember 1905[8] | 90 Lüüd, 14 Hüüs |
| 1. Dezember 1910[9] | 140* |
| 1925[10] | 143* |
| 1933[10] | 118* |
| 1939[10] | 110* |
- * tohoop mit Grafel
Religion
ännernStemmen is evangeelsch-luthersch präägt un höört to dat Kaspel von de Jacobi-Kark in Wittloh.
För de Kathoolschen is de St.-Josef-Kark in Veern tostännig.
Oortsvörsteihers
ännern- 1981–: Johann Twietmeyer
Kultur
ännernEn Denkmaal för de Fullenen ut de twee Weltkrieg’ steiht in Wittloh bi de Kark.
Verenen
ännernDe Schüttenvereen Stemmen is 1911 grünnt worrn.
Weertschop un Infrastruktur
ännernFör Stemmen is de freewillige Füürwehr Odersen mit tostännig.
Verkehr
ännern_IMG_9045.jpg)
Dör Stemmen löppt de Landsstraat 160, de in’n Noordwesten över Hogenabargen un Lutten na Veern geiht un in’n Süüdoosten över Witten Kampen na Kerkboitzen an de Bundsstraat 209. In’n Süüdwesten geiht von de L 160 de Kreisstraat 19 af, de in Wittloh in de L 159 münnt.
De nächste Autobahn is de Autobahn 27 (Afsnidd Bremen–Wasra). De Opfohrten 26 Veern-Oost in’n Noordwesten un de 27 Wasra-West in’n Süüdoosten doot all beid 15 Kilometer wied weg von Stemmen liggen.
De nächste Bahnhoff is so bi 14 Kilometer in’n Noordwesten de Bahnhoff Veern an de Bahnlien Wunsdörp–Bremen. De Bahnhoff Wasra an de Heidbahn liggt 18 Kilometer in’n Oosten. Op de Bahnlien Veern–Wasra hett dat von 1910 bet 1969 Personenverkehr geven. Stemmen hett en egen Bahnhoff an düsse Bahnlien. De Deelafsnidd Stemmen–Wasra is aver al 1936 stillleggt worrn. De Afsnidd Veern–Stemmen warrt vondaag blots noch för Museumsfohrten bruukt.
Footnoten
ännern- ↑ Onlineprojekt Gefallenendenkmäler
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 219
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 101
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 578
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 155
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 164
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied XXX
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 180
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
Weblenken
ännern
Stemmen (Gemeen Kerklinneln). Mehr Biller, Videos oder Audiodateien to’t Thema gifft dat bi Wikimedia Commons.
Armsen | Bennbössel | Brouk | Heinz | Hogenabargen | Holbm | Kerklinneln | Kreepm | Kükenmoor | Lutten | Neernabargen | Odersen | Schepinkel | Zähln | Stemmen | Wetenmöhlen | Wittloh