Grafschop Stood

De Grafschop Stood weer ene Grafschop in’t Middelöller, de an’n de linke Siet vun de Nedderelv leeg un in Stood ehr Zentrum harr. Se weer in Besitt vun de Udonen.

De Grafschop güng ut den Heilangau hervör. De harr as Hööftoort bet 1007/1010 Harsfeld, dat denn in en Klooster (Klooster Harsfeld) ümwannelt worrn is. Sietdem weer Stood de Sitt vun de Grafenfamilie.

Dat Arzbisdom Bremen hett dat 1063 henkregen, de Grafen de Lehnsherrschop optotwingen. De Verlust an Macht weer aver opwogen dör dat Verwalten vun de Markgrafschop Noordmark in’n Opdrag vun’n König, en Amt, wat de Grafen vun Stood 1056 kregen harrn un dat se bet 1128 utöövt hebbt.

Arzbischop Hartwig I. hett den Familienbesitt an de Kark wiedergeven: de Göder bi Alsleben, Halle un Meideborg an dat Arzbisdom Meideborg, de Göder in de Stammlannen an dat Arzbisdom Bremen. De Welfen harrn de Grafschop 1145 in Beslag nahmen, dorüm duer dat bet 1236, dat de Arzbischöp vun Bremen sik dorbi dörsetten kunnen.

Grafen vun Stood

–976: Hinnerk I. de Kahle, † 11. Mai 976, Graaf in’n Heilangau
976–1016: Hinnerk II. de Gode, † 2. Oktober 1016, den vörigen sien Söhn,
1016–1037: Siegfried II., † 1. Mai 1037, den vörigen sien Broder,
1037–1057: Lüder-Udo I., † 7. November 1057, den vörigen sien Söhn, Markgraaf vun de Noordmark
1057–1082: Udo II., † 4. Mai 1082, den vörigen sien Söhn, Markgraaf vun de Noordmark
1082–1087: Hinnerk III. de Lange, † 27. Juni 1087, den vörigen sien Söhn, Markgraaf vun de Noordmark
1087–1106: Lüder-Udo III., den vörigen sien Broder, † 2. Juni 1106, Markgraaf vun de Noordmark
1106–1114 (as Vörmund vun Hinnerk IV.): Rudolf I., Broder vun Udo III., † 6. Februar 1124, Markgraaf vun de Noordmark 1106-1114
1114–1128: Hinnerk IV., den vörigen sien Söhn, † 4. Dezember 1128, Markgraaf vun de Noordmark
1128–1135 (nich ut dat Geslecht von de Udonen): Friedrich, † 13. April 1135
1128–1130: Udo IV., † 15. März 1130, den vörigen sien Söhn, Markgraaf vun de Noordmark
1130–1144: Rudolf II., † 15. März 1144, den vörigen sien Broder, 1130 Graaf vun Stood
1144–1145: Hartwig, † 2. Oktober 1168, den vörigen sien Broder, 1144 Graaf vun Stood, 1148 Arzbischop vun Bremen

Literatur

Gerhard Köbler: Historisches Lexikon der deutschen Länder. München 1992