Grundschool Lünzen

De Grundschool Lünzen is en Grundschool in dat Dörp Lünzen, Gemeen Snevern, in’n Landkreis Heidkreis. Dreger is de Gemeen Snevern. De School liggt in de Straat An’n Aavtgoorn 2 op en Gelänn von 4800 m². Dor gaht de Schölers ut de Öörd Lünzen (mit Bult, Lünzenbrookhoff, Lünzmöhl un Riep), Grauen (mit Nersum), Grotenwe (mit Schultenwe un Haswe), Schüllern un Zoarn hen. De Öörd Schüllern un Zoarn höört eerst siet dat Schooljohr 2008/2009 to dat Rebeed von de Grundschool Lünzen. De Kinner ut düsse Öörd sünd vörher in Snevern na School gahn. Dat weer aver nödig, den Schoolbezirk to vergröttern, anners harrn se de School von wegen to ringe Schölertallen dichtmaakt. De School hett üm un bi 70 Schölers un söss Schoolmeesters (een Klass pro Johrgang).

De Grundschool Lünzen

Siet 2011 is de School Apene Ganzdagsschool. In dat sülve Gebüüd is ok de Kita Lünzen ünnerbrocht.

Nadem se mit de veerte Klass trech sünd, wesselt de Schölers op de Kooperative Gesamtschool Snevern oder ok op de Oberschool Neenkerken.

Schoolbaas

• 1977–2010: Birgit Pahrmann
• 2010–: Mirja Meyer

Weblenken

Grundschool Lünzen. Mehr Biller, Videos oder Audiodateien to’t Thema gifft dat bi Wikimedia Commons.

• Websteed von de School (hoochdüütsch)