Haswe
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 29640 | |
| Vörwahl: | 04265 | |
| Geograafsche Laag: | Koordinaten:53° 9′ N, 9° 43′ O53° 9′ N, 9° 43′ O | |
|
| ||
Haswe (hoochdüütsch Haswede) is en lütten Oort in de Gemeen Snevern in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Grotenwe.
Geografie
ännernDe Oort liggt in de Lümbörger Heid direkt an dat Över von’n Beek Ruschwe. An’n Oostrand von’n Oort liggt dat Naturschuulrebeed Moor bi Osterwe.
De Naveröörd sünd de Finteler Oortsdelen Oosterloh un Oosterheid in’n Noorden, Eggersmöhl in’n Noordoosten, Issell un Osterwe in’n Süüdoosten, Schultenwe un Grotenwe in’n Süüdwesten, Grotenwe-Siedlung un de Finteler Oortsdeel Brook in’n Süüdwesten un Fintel in’n Noordwesten.
Historie
ännernVerwaltungsgeschicht
ännernDe Oort hett vör 1852 to de Amtsvaagdie Snevern in dat Amt Rodenborg tohöört, denn von 1852 bet 1859 to dat Amt Snevern un von 1859 bet 1885 to dat Amt Soltau. Na 1885 weer dat in’n Kreis Soltau. 1977 is dat Deel von’n Landkreis Soltau-Fambossel worrn, de 2011 den Naam Landkreis Heidkreis kregen hett.
De Oort hett al von öllers to de Gemeen Grotenwe tohöört un is an’n 1. März 1974 tohoop mit Grotenwe Deel von de Gemeen Snevern worrn. Sietdem höört de Oort binnen de Gemeen to de Oortschop Grotenwe, de en egen Oortsvörsteiher hett.
Inwahnertall
ännern| Johr | Inwahners |
|---|---|
| 1824[1] | 1 Füürsteed |
| 1848[2] | 9 Lüüd, 1 Huus |
| 1. Dezember 1871[3] | 6 Lüüd, 1 Huus |
| 1. Dezember 1885[4] | 6 Lüüd, 1 Huus |
| 1. Dezember 1905[5] | 3 Lüüd, 2 Hüüs |
Religion
ännernHaswe is evangeelsch-luthersch präägt un höört to dat Kaspel von de Peter-un-Paul-Kark in Snevern.
För de Kathoolschen is de St.-Ansgar-Kark in Snevern tostännig, de siet 1. November 2006 to de St.-Maria-Karkengemeen in Soltau tohöört. De St.-Ansgar-Kark is 1963 boot un an’n 1. Januar 1964 egenstännige Karkengemeen worrn. Vörher is dat Rebeed ok al von de St.-Maria-Kark in Soltau betreut worrn.
De Doden warrt op’n Karkhoff Grotenwe begraven.
Weertschop un Infrastruktur
ännernFör Haswe is de freewillige Füürwehr Grotenwe mit tostännig.
Verkehr
ännernVon Haswe föhret lüttjere Straten in’n Süüdwesten na Grotenwe an de Kreisstraat 30, in’n Noordwesten na Fintel an de K 221 un in’n Süüdoosten över Osterwe na Issell un Snevern an de K 31. De K 30 löppt von Grotenwe in’n Süüdoosten na Snevern un in’n Noordwesten an Fintel langs na Vahl un Lauenbrüch an de B 75. De K 31 löppt von Issell in’n Noordwesten över Eggersmöhl na Wessloh un in’n Süüdoosten na Snevern an de L 170.
De nächste Autobahn is de Autobahn 7 (Afsnidd Hamborg–Hannover). De Opfohrt 43a Snevern liggt so 21 Kilometer in’n Süüdoosten von Haswe an de B 3.
De nächste Bahnhoff is so bi acht Kilometer wied weg in’n Süüdoosten de Bahnhoff Snevern an de Heidbahn. De Bahnhoff Lauenbrüch an de Bahnlien Hamborg–Bremen liggt 14 Kilometer in’n Noordwesten.
Scholen
ännernDe Kinner gaht na de Grundschool Lünzen.
Footnoten
ännern- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 252
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 92
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 101
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 153
