Bult (Landkreis Heidkreis)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 29640 | |
| Vörwahl: | 05193 | |
| Geograafsche Laag: | Koordinaten:53° 7′ N, 9° 41′ O53° 7′ N, 9° 41′ O | |
|
| ||
Bult (hoochdüütsch Bult) is en lütten Oort in de Gemeen Snevern in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Lünzen. Mit Lünzen is Bult tohoop ok tohoopwussen.
Geografie
ännernDe Oort liggt in de Lümbörger Heid an’t Över von de Veers. De höögste Punkt is mit 69 m över de See de Hahnenbarg en Stück in’n Noordoosten von Bult.
De Naveröörd sünd Schultenwe un Grotenwe in’n Noordoosten, Lünzen in’n Süüdoosten, Grauen un Nersum in’n Süüdwesten, Riep, Deepen un Riepermoor in’n Westen un Grotenwe-Siedlung in’n Noordwesten.
Historie
ännernDe Oort is 1650 von Lünzen ut grünnt worrn, as dor de eerste Hoff anleggt worrn is.
Verwaltungsgeschicht
ännernIn de Franzosentied hett de Oort toeerst 1810 bet 1811 binnen dat Königriek Westfalen to de Mairie Lünzen in’n Kanton Töst höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Lauenbrüch in’n Kanton Töst.
De Oort hett vör 1852 to de Amtsvaagdie Snevern in dat Amt Rodenborg tohöört, denn von 1852 bet 1859 to dat Amt Snevern un von 1859 bet 1885 to dat Amt Soltau. Na 1885 weer dat in’n Kreis Soltau. 1977 is dat Deel von’n Landkreis Soltau-Fambossel worrn, de 2011 den Naam Landkreis Heidkreis kregen hett.
De Oort höört von öllers bi de Gemeen Lünzen mit bi, de an’n 1. März 1974 mit de Gemeenreform in Neddersassen Deel von de Gemeen Snevern worrn is. Sietdem höört Bult binnen de Gemeen to de Oortschop Lünzen, de en egen Oortsvörsteiher hett.
Inwahnertall
ännern| Johr | Inwahners |
|---|---|
| 1824[1] | 5 Füürsteden |
| 1848[2] | 25 Lüüd, 4 Hüüs |
| 1. Dezember 1871[3] | 19 Lüüd, 3 Hüüs |
| 1. Dezember 1885[4] | 23 Lüüd, 3 Hüüs |
| 1. Dezember 1905[5] | 21 Lüüd, 3 Hüüs |
Religion
ännernBult is evangeelsch-luthersch präägt un höört to dat Kaspel von de Peter-un-Paul-Kark in Snevern.
För de Kathoolschen is de St.-Ansgar-Kark in Snevern tostännig, de siet 1. November 2006 to de St.-Maria-Karkengemeen in Soltau tohöört. De St.-Ansgar-Kark is 1963 boot un an’n 1. Januar 1964 egenstännige Karkengemeen worrn. Vörher is dat Rebeed ok al von de St.-Maria-Kark in Soltau betreut worrn.
De Doden warrt op’n Karkhoff Lünzen begraven.
Weertschop un Infrastruktur
ännernFör Bult is de freewillige Füürwehr Lünzen mit tostännig.
Verkehr
ännernBult liggt an de Kreisstraat 29, de in’n Noorden över Schultenwe na Grotenwe an de K 30 geiht un in Lünzen in de Landsstraat 170 münnt. De L 170 föhrt in’n Süüdwesten över Grauen na Hemslingen an de Bundsstraat 71 un in’n Oosten na Snevern. Von de K 29 geiht na Noordwesten de K 37 af, de na Oostervees löppt.
De nächste Autobahn is de Autobahn 7 (Afsnidd Hamborg–Hannover). De Opfohrt 43a Snevern liggt so 22 Kilometer in’n Süüdoosten von Bult an de B 3.
De nächste Bahnhoff is so bi negen Kilometer wied weg in’n Oosten de Bahnhoff Snevern an de Heidbahn.
Scholen
ännernDe Kinner gaht na de Grundschool Lünzen.
Footnoten
ännern- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 102
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 93
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 102
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 154
