Hal McKusick

Harold Wilfred „Hal“ McKusick (* 1. Juni 1924 in Medford, Massachusetts; † 11. April 2012 in Sag Harbor (New York)[1]) weer en US-amerikaansch Jazzmusiker (Tenorsaxophonist, Altsaxophonist un Klarinettist) vun den Modern Jazz.

Leven un WarkÄnnern

Hal McKusick is in Newton upwussen mit Ralph Burns as Schoolkamerad. 1942 speel he bi Don Bestor un Les Brown, kört bi Woody Herman (1943) un 1944/45 in dat Orchester vun Boyd Raeburn as ok bi Tom Talbert un Alvino Rey (1946). Dornah is he an de amerikaansch Westküst översiedelt, wo he ünner annern mit Johnny Otis un Buddy Rich arbeit hett. 1948/49 speel he in dat Claude Thornhill-Orchester un 1950/51 bi dat Terry Gibbs-Quintett. Tüschen 1951 bit 1956 hett he meestens bi Elliot Lawrence arbeit un weer en söcht Studiomusiker.[2] In disse Tiet fallt ok de Tosommenarbeit mit Lüüd, de den Jazz nee utfinnen deen, Gil Melle, George Russell (The RCA Victor Jazz Workshop, 1956) un Jimmy Giuffre. Tüschen 1955 un 1958 nehm he negen Alben as Bandleader up, de to'n Deel de Ästhetik vun den Third Stream wedderspeegeln.

In de 1960er Johren hett sück Hal McKusick mehr ut de Jazzszene torüchtrucken. He speel blots noch af un to Jazz un hett fakener an Upnahmen för Warfspots mitwarkt. In latere Johren hett McKusick an de Ross School in East Hampton, N.Y. ünnerricht.

McKusicks Saxophonstil weer stark vun Lee Konitz beinfloot. Sien Favoriten up de Klarinette weern Buddy DeFranco un Lester Young.

Utwahl-DiskographieÄnnern

Als Leader

As Sideman

  • Woody Herman: Songs For Hip Lovers (Verve Records, 1957)
  • Gil Melle: Gil’s Guets (Prestige Records, 1956)
  • George Russell: Jazz Workshop (RCA, 1956); New York, N.Y. (Decca Records, 1959)
  • Hal Schaefer: RCA Victor Jazz Workshop (RCA, 1955)

LiteraturÄnnern

WeblenkenÄnnern

AnmarkenÄnnern

  1. Nahroop (engelsch)
  2. In disse Tiet fallt ok sien Mitwarken an de obskure Charlie Parker-Session (In The Still Of The Night) mit dat Gil Evans-Orchester un den Dave Lambert Singers van' 25. Mai 1953