Hauptmenü öffnen

Wikipedia β

Jürgen Christian Findörp

Jürgen Christian Findörp

Jürgen Christian Findörp (* 22. Februar 1720 in Loonborg; † 31. Juli 1792 in Bremervöör) weer Amtmann un Moorkolonisater in’t Düvelsmoor.

Inholtsverteken

LevenÄnnern

Findörp is 1720 as Söhn von en Discher in Loonborg boren un hett mit 19 Johr de Warksteed von sien Vader övernahmen. Sien Broder weer Johann Dietrich Findörp. Vonwegen sien Geschick hett em de hannöversche Landbomeester feddert un Findörp is in Waterbo un Geodäsie utbillt worrn. Findörp harr dat Leid bi’n Bo von de Zionskark in Worpsweed (1757-1759) un hett later de Karken in Grasbarg (1781-1789) un Gnarrenborg (1784-1790) utklookt un boot.

In sien Hauptberoop weer he en Tied lang Amtsschriever bi dat Amt Zeven un is 1759 Amtsvaagd in Ne’enkarken worrn.

Von 1751 af an hett Findörp an de Moorkolonisatschoon arbeidt, en Projekt von’n Kurförsten von Hannover dat Moor twüschen Wümm un Hamm dröög to leggen.

An’n 20. September 1771 is he dör en Oorkunn von Georg III. offiziell Moorkommissar worrn. Findörp harr ok Andeel bi’n Bo von’n Hamm-Oost-Kanal (1769-1790) un von Oost-Swing-Kanal (vonaf 1772). Bet to sien Dood sünd op 140 km² Moorland 42 ne’e Dörper grünnt worrn.

An’n 31. Juli 1792 is Findörp in Bremervöör doodbleven un denn an’n 3. August 1792 in Isheim begraven worrn.

Grünnt ÖördÄnnern

EhrenÄnnern

1799 is op’n Weyerbarg bi Worpsweed en Obelisk to sien Gedenken opstellt worrn.

Nöömt na FindörpÄnnern

WeblenkenÄnnern

  Jürgen Christian Findörp. Mehr Biller, Videos oder Audiodateien to’t Thema gifft dat bi Wikimedia Commons.