Dit Woort hett noch annere Bedüden: kiek dorför ünner Oostendörp (Landkreis Oosterholt).

Oostendörp (hoochdüütsch Ostendorf) is en Dörp in de Gemeen Bremervöör, in’n Landkreis Rodenborg, Neddersassen. Binnen de Gemeen billt dat Dörp en egen polietsche Oortschop.

Wapen/Flagg Koort

Wapen vun Oostendörp

Oostendörp
Laag vun Oostendörp in Düütschland
Basisdaten
Bundsland: Neddersassen
Landkreis: Rodenborg
Gemeen: Bremervöör
Flach: 7,60 km²
Inwahners: 182 (2015-01-3131. Januar 2015)
Inwahnerdicht: 23,9 Inwahners pro km²
Hööchd: 0 m över de See
Postleettall: 27432
Vörwahl: 04761
Geograafsche Laag:
Koordinaten:53° 34′ N, 9° 9′ O
53° 34′ N, 9° 9′ O
IsheimOostendörpMehdörpHönau-LindörpSprekensMinstPlönjeshusenÖölmNeer-OchenhusenBevernHeesdörpBremervöör
Laag von Oostendörp in de Gemeen Bremervöör (Koort lett sik anklicken)

Karte

Bi de Oortschop höört ok Ottendörp mit bi.

Geografie ännern

 
Luftbild von en Deel von Oostendörp (in’n Vörgrund)

Dat Dörp liggt in dat Moor twischen de Meh un de Oost. An de siedste Steed liggt de Wischen von dat Dörp sogor en halven Meter ünner Normalnull.

De Naveröörd sünd Seth un Nindörp mit Nindörpermoor in’n Noorden, Brobargen un Schönau in’n Noordoosten, Esdörp un Gröpel in’n Oosten, Ottendörp in’n Süden, Isheim un Abbenseth in’n Süüdwesten un Hollen in’n Westen.

Historie ännern

Oostendörp is 1764 as Moorkolonie mit 25 Steden in de Form von en Stratendörp grünnt worrn.

In’n Eersten Weltkrieg sünd 15 Soldaten ut Oostendörp fullen oder vermisst un in’n Tweten 16[1].

Verwaltungsgeschicht ännern

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Neendamm in’n Kanton Bremervöör höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Bremervöör in’n Kanton Bremervöör.

Vör 1885 leeg de Oort in de Vaagdie Bremervöör von dat Amt Bremervöör un is denn Deel von’n Kreis Bremervöör wesen. 1977 is dat denn Deel von’n Landkreis Rodenborg worrn.

1928/1929 sünd Oostendörp un Ottendörp to de nu gröttere Gemeen Oostendörp tohoopleggt worrn.

Oostendörp weer von’n 1. Januar 1971 bet 1974 Maat von de Samtgemeen Oostdaal un is an’n 1. März 1974 denn bi de Gemeenreform in Neddersassen mit de Gemeen Bremervöör tohoopleggt worrn. Sietdem hett de Oort binnen de Gemeen en Oortschop mit egen Oortsvörsteiher un siet 2011 mit Oortsraad un Oortsbörgermeester billt.

Inwahnertall ännern

Johr Inwahners
1791-00-001791[2] 30 Füürsteden
1824-00-001824[3] 31 Füürsteden
1848-00-001848[4] 294 Lüüd, 46 Hüüs
1871-12-011. Dezember 1871[5] 375 Lüüd, 62 Hüüs
1885-12-011. Dezember 1885[6] 373 Lüüd, 61 Hüüs
1905-12-011. Dezember 1905[7] 314 Lüüd, 54 Hüüs
1910-12-011. Dezember 1910[8] 330
1925-00-001925[9] 277
1933-00-001933[9] 349
1939-00-001939[9] 357
2005-03-011. März 2005 188
2009-12-3131. Dezember 2009[10] 178
2015-01-3131. Januar 2015[11] 182

Religion ännern

Oostendörp is evangeelsch-luthersch präägt un höört to dat Kaspel von de Findörp-Kark in Isheim. Bet 1965 hett de Oort noch to dat Kaspel von de Liborius-Kark in Bremervöör höört. As in dat Johr de Auferstehungskark in Bremervöör nee boot worrn is, is disse Kark för den Oort tostännig ween. Eerst 1994 is de Findörp-Kark egenstännige Karkengemeen worrn un sietdem höört Oostendörp na Isheim.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Politik ännern

Oortsraad ännern

Oortsraad
Johr \ Partei Tall WG
2011 5 5
2016 5 5
Liddmaten
  • 2011:
    WG: Christian Balk, Klaus-Hinrich Bardenhagen (2016 doodbleven, för em is an’n 28. Juni 2016 Johann Stelling narückt), Thomas Buck, Margret Eckhoff, Uwe Noetzelmann
  • 2016:
    WG: Christian Balk, Thomas Buck, Margret Eckhoff, Uwe Noetzelmann, Jennifer Quell

Oortsvörsteihers/Oortsbörgermeesters ännern

Oortsvörsteihers:

Tied Naam Partei
–31. Oktober 2011 Uwe Noetzelmann WG

Oortsbörgermeesters:

Tied Naam Partei
1. November 2011– Uwe Noetzelmann WG

Wapen ännern

Dat Wapen wiest op sülvern Grund baven en blau Band, dat för de Oost steiht. Ünnen en roden Balken, de för de Dörpstraat steiht un veer rode Rechteck, de dör veer blaue Streken mit en groot rood Rechteck verbunnen sünd. De staht för de Kanaals un dat Schöppwark in Oostendörp.

Kultur ännern

En Denkmaal för de Fullenen ut de twee Weltkrieg’ steiht bi’n Karkhoff.

Verenen ännern

Oostendörp hett en Schüttenvereen. De Sportvereen Oostendörp is 1985 grünnt worrn.

Weertschop un Infrastruktur ännern

Oostendörp hett en egene freewillige Füürwehr.

Verkehr ännern

Oostendörp liggt as Stratendörp an de Oostendörper Straat, de in’n Noorden bi Hollen an de Kreisstraat 32 un denn an de Bundsstraat 495 rangeiht. In’n Süden löppt de Straat över Ottendörp un Neer-Ochenhusen an de Kreisstraat 105 un na Bremervöör an de Bundsstraat 74/71 ran. Lüttjere Straten gifft dat ans na Abbenseth un Isheim un in’n Oosten na de Fähr Brobargen un de Fähr Gröpel.

De nächste Autobahn is de Autobahn 26 (Afsnidd StoodHamborg). De Opfohrt 2 Stood-Süüd liggt so 37 Kilometer in’n Oosten von Oostendörp an de B 73.De Opfohrt 5 Debst op de Autobahn 27 (Afsnidd BremerhobenCuxhoben) liggt so 40 Kilometer in’n Westen an de L 120. Wenn in Tokumst de Autobahn 20 boot warrt, denn schall dat en Opfohrt 13 Kilometer in’n Süüdwesten an de B 495 geven.

De nächste Bahnhoff is de Bahnhoff Bremervöör an de Bahnlien Bremerhoben-Buxthu.

Scholen ännern

De Kinner ut Oostendörp gaht na de Findörpschool Isheim op Grundschool.

Lüüd ännern

Jürn Breuer ut Oostendörp weer as plattdüütschen Schriever aktiv.

Literatur ännern

  • Rainer Brandt: 225 Jahre Ostendorf – 1764-1989: Eine Dorfchronik. Druckhaus Stelljes GmbH & Co. KG, Bremervöör 1989

Footnoten ännern

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 177
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 470
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 132
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 144
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 186
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 22
  8. Inwahnertallen op gemeindeverzeichnis.de
  9. a b c Inwahnertallen op verwaltungsgeschichte.de
  10. Bremervörde und die Ortschaften, archiveert in dat Internet Archive
  11. Bremervörde und die Ortschaften

Weblenken ännern

  Oostendörp. Mehr Biller, Videos oder Audiodateien to’t Thema gifft dat bi Wikimedia Commons.