Mehdörp
Mehdörp (hoochdüütsch Mehedorf) is en Dörp in de Gemeen Bremervöör, in’n Landkreis Rodenborg, Neddersassen. Dat Dörp liggt an de Meh.
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 7,57 km² | |
| Inwahners: | 214 (31. Januar 2015) | |
| Inwahnerdicht: | 28,3 Inwahners pro km² | |
| Postleettall: | 27432 | |
| Vörwahl: | 04761 | |
| Geograafsche Laag: | Koordinaten:53° 32′ N, 9° 6′ O53° 32′ N, 9° 6′ O | |
 | ||
|
| ||
Geografie ännern
De Naveröörd sünd Abbenseth in’n Noorden, Isheim in’n Noordoosten, Neendamm in’n Oosten, Hönau-Lindörp in’n Süüdoosten, Glinn in’n Süden, Eversdörp in’n Süüdwesten un Alfs in’n Westen.
Historie ännern
Mehdörp is 1774 as Moorkolonie von Jürgen Christian Findörp in de Form von en Stratendörp grünnt worrn.
In’n Eersten Weltkrieg sünd 21 Soldaten ut Mehdörp fullen oder vermisst un in’n Tweten 23[1].
Vör 1885 leeg de Oort in dat Amt Bremervöör un is denn Deel von’n Kreis Bremervöör wesen. 1977 is dat denn Deel von’n Landkreis Rodenborg worrn.
Mehdörp is 1974 bi de Gemeenreform in Neddersassen mit de Gemeen Bremervöör tohoopleggt worrn.
Inwahnertall ännern
| Johr | Inwahners |
|---|---|
| 1824[2] | 37 Füürsteden |
| 1848[3] | 398 Lüüd, 51 Hüüs |
| 1. Dezember 1910[4] | 332 |
| 1925[5] | 329 |
| 1933[5] | 310 |
| 1939[5] | 312 |
| 1950[6] | 413 |
| 1970[6] | 299 |
| 1. März 2005 | 240 |
| 31. Dezember 2009[7] | 231 |
| 31. Januar 2015[8] | 214 |
Religion ännern
Mehdörp is evangeelsch-luthersch präägt un höört to dat Kaspel von de Findörp-Kark in Isheim. Bet 1965 hett de Oort noch to dat Kaspel von de Liborius-Kark in Bremervöör höört. As in dat Johr de Auferstehungskark in Bremervöör nee boot worrn is, is disse Kark för den Oort tostännig ween. Eerst 1994 is de Findörp-Kark egenstännige Karkengemeen worrn un sietdem höört Mehdörp na Isheim.
För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.
Politik ännern
Mehdörp hett binnen de Gemeen Bremervöör en egen Oortsraad mit fiev Maten. Oortsbörgermeester is Erwin Busch.
Wapen ännern
Dat Wapen wiest op blauen Grund en gollen Neddersassenhuus un ünnen op sülvern Grund en blaue Wellenlien, de för de Meh steiht.
Kultur ännern
En Denkmaal för de Fullenen ut Mehdörp, Neendamm un Isheim ut de twee Weltkrieg’ steiht bi’n Karkhoff in Isheim.
Infrastruktur ännern
Verkehr ännern
Mehdörp liggt as Stratendörp an de Straat An de Meh, de in’n Noorden bi Isheim an de Kreisstraat 35/Kreisstraat 105 rangeiht. In’n Süden löppt de Straat bi Glinn an de Bundsstraat 74/71 ran. Lüttjere Straten gifft dat ans na Eversdörp un Alfs.
Scholen ännern
De eerste School in Mehdörp is 1820 boot worrn. 1860 un 1911 hett dat Dörp denn noch twee Maal wedder en neet Schoolhuus kregen. De School is denn 1967 ganz dicht maakt worrn un de Kinner müssen denn na Isheim na School gahn. Na Gymnasium gaht de Schölers in Bremervöör.
Lüüd ännern
De plattdüütsche Schriever Thomas Stelljes is in Mehdörp opwussen.
Footnoten ännern
- ↑ http://www.denkmalprojekt.org/2009/bremervoerde-iselersheim_wk1u2_ns.htm
- ↑ C. H. Jansen: Statistisches Handbuch des Königreichs Hannover. 1824, Sied 400: http://books.google.de/books?id=tG0AAAAAcAAJ&pg=PA400
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132: http://books.google.de/books?id=eOI-AAAAcAAJ&pg=PA132
- ↑ http://www.gemeindeverzeichnis.de/gem1900/gem1900.htm?hannover/bremervoerde.htm
- ↑ a b c http://www.verwaltungsgeschichte.de/bremervoerde.html
- ↑ a b http://www.mehedorf.de/chronik.html
- ↑ Bremervörde und die Ortschaften, archiveert in dat Internet Archive
- ↑ Bremervörde und die Ortschaften
Weblenken ännern
- Websteed to dat Dörp (hoochdüütsch)
Bevern | Bremervöör | Heesdörp | Hönau-Lindörp | Isheim | Mehdörp | Minst | Neer-Ochenhusen | Öölm | Oostendörp | Plönjeshusen | Sprekens