Host (Burweg)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21709 | |
| Vörwahl: | 04144 | |
| Geograafsche Laag: | Koordinaten:53° 38′ N, 9° 17′ O53° 38′ N, 9° 17′ O | |
|
| ||
Host (hoochdüütsch Horst) is en lütten Oort in de Gemeen Burweg in’n Landkreis Stood, Neddersassen.
De Oort liggt op dat linke Över von’n Hosterbeek. Een Huus, dat op dat rechte Över liggt, warrt ok mit to Host tellt, höört aver polietsch to dat Dörp Bredenwisch in de Gemeen Himmelpoorten.
Geografie ännern
Host liggt op en Sandbült in de Masch an de Münn von’n Hosterbeek in de Oost.
De Naveröörd sünd dat Vörwark von Neeland in’n Noordwesten, Bredenwisch in’n Oosten, Löh un Himmelpoorten in’n Süüdoosten, Burweg in’n Süüdwesten, de lüttje Burweger Oortsdeel Hogenlucht un Heckthusen in’n Westen un Lüttwöhrn un Wisch in’n Noordwesten.
Historie ännern
Verwaltungsgeschicht ännern
In de Franzosentied hett de Oort toeerst 1810 bet 1811 binnen dat Königriek Westfalen to de Mairie Burweg in’n Kanton Himmelpoorten höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Olendörp in’n Kanton Himmelpoorten.
Vör 1885 weer Host Deel von de Böörd Olendörp binnen dat Amt Himmelpoorten. 1885 is de Oort denn Deel von’n Kreis Stood worrn un 1932 von’n Landkreis Stood.
Host höört von öllers al to Burweg mit to un weer keen egen Gemeen.
Inwahnertall ännern
To Burweg:
| Johr | Inwahners |
|---|---|
| 1791[1] | 4 Füürsteden |
| 1848[2] | 33 Lüüd, 6 Hüüs |
| 1. Dezember 1871[3] | 26 Lüüd, 5 Hüüs |
| 1. Dezember 1885[4] | 26 Lüüd, 5 Hüüs |
| 1. Dezember 1905[5] | 29 Lüüd, 5 Hüüs |
To Bredenwisch:
| Johr | Inwahners |
|---|---|
| 1. Dezember 1885[6] | 3 Lüüd, 1 Huus |
| 1. Dezember 1905[7] | 6 Lüüd, 1 Huus |
Religion ännern
_28.jpg)
Host is evangeelsch-luthersch präägt un billt mit de Petrus-Kark en egen Kaspel.
För de Kathoolschen is de Hillig-Geist-Kark in Stood tostännig.
Kultur ännern
To de Herkumst von Host gifft dat en ole Saag, dat en Riesendeern, de bi’n Swarten Barg bi Stood leevt hett, mit en Platen vull Sand över de Oost springen wull un dat dor de Platen en Gats bi kregen hett un de ganze Hümpel Sand rin’e Oost fullen is. Op dissen Sandbarg schall denn later de Kark boot worrn hebben.[8]
Weertschop un Infrastruktur ännern
Verkehr ännern
Host liggt an en Blangenstraat von de Kreisstraat 81, de in’n Oosten in Bredenwisch an de Landsstraat 113 ran geiht. In’n Süüdwesten geiht de K 81 in Burweg an de Bundsstraat 73 ran.
De nächste Bahnhoff is in Himmelpoorten an de Nedderelvbahn von Cuxhoben na Hamborg, wat so bi dree Kilometer weg is.
Literatur ännern
- Friedrich Holst: Drei Dörfer und ihre Geschichte. Geschichte der Gemeinde Burweg. 1985, ISBN 3-925076-08-5
Footnoten ännern
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 115
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 134
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 142
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 150
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 159
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 150
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 159
- ↑ http://www.ostechronik.de/Burweg/burweg.html
