Karkenkreis Wersermünn-Noord

De evangeelsch-luthersche Karkenkreis Wersermünn-Noord weer en Karkenkreis in Neddersassen. He hett bi’n Sprengel Stood von de Evangeelsch-luthersche Landskark Hannover höört. To’n Karkenkreis Wersermünn-Noord hebbt toletzt üm un bi 30.500 Liddmaten in 17 Kaspels höört. He harr sien Seet in Dorum.

Geografie

De Karkenkreis Wersermünn-Noord leeg in’n Noordoosten von Neddersassen. Dat Rebeed weer de Noorden von’n Landkreis Cuxhoben (ahn dat Stadtrebeed von Cuxhoben sülvs).

De Karkenkreis Wersermünn-Noord hett in’n Noorden an’n Karkenkreis Cuxhoben grenzt, in’n Oosten an’n Karkenkreis Hadeln, in’n Süüdoosten an’n Karkenkreis Bremervöör-Zeven, in’n Süden an’n Karkenkreis Wersermünn-Süüd un in’n Süüdwesten an’n Karkenkreis Bremerhoben. Güntsiet de Werser in’n Süüdwesten leeg de Karkenkreis Wersermasch von de Evangeelsch-luthersche Kark in Ollnborg.

Geschicht

De Karkenkreis is 1940 billt worrn, as de Karkenkreise Geestmünn, Leh un Land Wusten oplööst un op de Karkenkreise Bremerhoben, Wersermünn-Süüd un Wersermünn-Noord nee opdeelt worrn sünd.

De Karkenkreis is to’n 1. Januar 2013 mit’n Karkenkreis Wersermünn-Süüd dör Fusion tohoopgahn un billt nu den Karkenkreis Wersermünn.

Supperndenten

~1960: Hans Philipp Meyer
1996–Mai 2011: Siegfried Bochow
August 2012–31. Dezember 2012: Heike Burkert

Karkengemenen in’n Karkenkreis Wersermünn-Noord

Literatur

50 Jahre Kirchenkreis Wesermünde-Nord: Festschrift zum 50jährigen Bestehen des Kirchenkreises Wesermünde-Nord. 1990

Weblenken

Websteed von’n Karkenkreis (hoochdüütsch)