Cappel (Neddersassen)

Cappel (hoochdüütsch Cappel) is en Dörp un billt en Oortschop binnen de Gemeen Wuster Noordseeküst in’n Landkreis Cuxhoben in Neddersassen. As lüttjere Oortslagen höört ok Olendiek un Nedderstreek mit to Cappel.

Wapen/Flagg	Koort
Basisdaten
Bundsland: Neddersassen Landkreis: Cuxhoben Gemeen: Wuster Noordseeküst
Flach:	8,26 km²
Inwahners:	726 (2011-12-3131. Dezember 2011)
Inwahnerdicht:	87,9 Inwahners pro km²
Hööchd:	3 m över NN
Postleettall:	27632
Vörwahl:	04741
Geograafsche Laag:	53° 44′ N, 8° 34′ O
Laag von Cappel in de Gemeen Wuster Noordseeküst (Koort lett sik anklicken)

Geografie

Cappel liggt in dat Land Wusten in de Masch so bi veer Kilometer von de Noordsee af.

De Naveröörd sünd Spiek in’n Noorden, Millm in’n Oosten, Kraansborg un Südermarrn in’n Süüdoosten, Dorum in’n Süden, Padingbüttel un Padingbüttler Olendiek in’n Süüdwesten un Dorumer Neefeld in’n Westen.

Historie

De Oort kummt 1269 toeerst in en Verdrag twüschen Land Wusten un de Stadt Bremen vör.

Cappel hett vör 1885 to dat Amt Dorum tohöört. Na 1885 weer dat in’n Kreis Leh. 1932 is dat an’n Landkreis Wersermünn kamen un 1977 denn an’n Landkreis Cuxhoben.

Von 1974 af an hett Cappel to de Samtgemeen Land Wusten tohöört.

To’n 1. Januar 2015 is de Gemeen Cappel oplööst un ut de ganze Samtgemeen Land Wusten is tohoop mit de Gemeen Noordholt de ne’e Gemeen Wuster Noordseeküst worrn.

Inwahnertall

Johr	Inwahners
1824-00-001824	48 Füürsteden
1848-00-001848	737 Lüüd, 127 Hüüs
1858-00-001858	778
1910-12-011. Dezember 1910	743
1933-00-001933	712
1939-00-001939	915

Religion

Peter-un-Paul-Kark

Örgel von de Kark

Cappel is evangeelsch-luthersch präägt un billt mit de Peter-un-Paul-Kark en egen Kaspel. De Kark stammt ut dat 12. oder 13. Johrhunnert, is aver in’n Dezember 1810 afbrennt un denn wedder neet opboot worrn. De Örgel is 1679/1680 von Arp Snitger boot worrn un hett toeerst in dat Johannis-Klooster in Hamborg stahn. Nadem de ole Örgel in Cappel, de Georg Wilhelm Wilhelmi 1800/1801 boot harr, 1810 verbrennt is, hett Cappel 1816 disse Örgel ut Hamborg kregen (opboot von Johann Georg Wilhelm Wilhelmy un 1846 von em noch eens wedder utbetert). 1937 bet 1939 hett Paul Ott de Örgel denn noch wedder op Schick bröcht.

För de Kathoolschen is de Twölv-Apostels-Kark in Olenwoold tostännig, de siet 2008 to de Karkengemeen St. Marien in Cuxhoben tohöört.

Politik

Gemeenraad (bet 2014)

Gemeenraad

Johr \ Partei	Tall	SPD	CDU	Linke
2001	9	6	3	-
2006	9	6	2	1
2011	9	6	2	1

Börgermeesters/Oortsvörsteihers

Börgermeesters:

-2006	Herbert Hamann	SPD
2006-31. Dezember 2014	Rolf Bohlen	SPD

Siet 1. Januar 2015 hett de Oortschop en Oortsvörsteiher:

1. Januar 2015–

Rolf Bohlen

SPD

Wapen

Dat Wapen vun Cappel wiest op blauen Grund op en grönen Rundbarg in’n Schildfoot de Peter-un-Paul-Kark in Sülver mit gollen Döör un en gollen Wederhahn op’n Karktoorn.

Weertschop un Infrastruktur

Verkehr

Cappel liggt an de Kreisstraat 71, de in’n Noordwesten in Nedderstreek an de K 68 rangeiht un denn na Noordholt föhrt. In’n Oosten geiht de K 71 an de Landsstraat 129 ran, de wedder in’n Süden na Dorum un Wremen geiht un in’n Noordoosten na Millm an de L 135. De nächste Opfohrt op de Autobahn 27 (Afsnidd Cuxhoben–Bremerhoben) is de Opfohrt 3 Noordholt bi Wanhöden, wat so bi acht Kilmoter weg is.

De nächste Bahnhoff is de Bahnhoff Dorum an de Bahnlien Bremerhoben–Cuxhoben un so bi söven Kilometer weg.

Literatur

• Willy Hey: Ortschronik von Cappel.

Weblenken

Cappel (Neddersassen). Mehr Biller, Videos oder Audiodateien to’t Thema gifft dat bi Wikimedia Commons.

Öörd in de Gemeen Wuster Noordseeküst

Cappel | Dorum | Millm | Misselwarden | Mulsen | Noordholt | Padingbüddel | Wremen