Löh (Himmelpoorten)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21709 | |
| Vörwahl: | 04144 | |
| Geograafsche Laag: | Koordinaten:53° 38′ N, 9° 18′ O53° 38′ N, 9° 18′ O | |
|
| ||
Löh (hoochdüütsch Löhe) is en lütten Oort in de Gemeen Himmelpoorten in’n Landkreis Stood, Neddersassen.
Geografie
ännernDe Naveröörd sünd Bredenwisch in’n Noorden, Borg in’n Noordoosten, Ossenpohl in’n Oosten, Ramels in’n Süüdoosten, Himmelpoorten in’n Süden, Burweg in’n Westen un Host in’n Noordwesten.
Historie
ännernLöh höört von öllers al to Himmelpoorten mit to un weer keen egen Gemeen.
Vör 1885 weer Löh Deel von’n Kloosterbezirk Himmelpoorten in dat Amt Himmelpoorten. 1885 is de Oort denn Deel von’n Kreis Stood worrn, de 1932 mit de Kreise Keden un Jörk to’n hüdigen Kreis Stood tohoopgahn is.
1932 is in Löh op de Weid von’n Buur Hinnerk Kühlk in en Graff ut de Jungsteentied en Armring ut Gold funnen worrn. De Schoolmeester Adolf Cassau ut Stood hett den Ring un annere Funnen denn ünnersöcht un borgen. De Ring liggt vondaag in’n Swedenspieker in Stood.
Inwahnertall
ännern| Johr | Inwahners |
|---|---|
| 1791[1] | 13 Füürsteden |
| 1824[2] | 7 Füürsteden |
| 1848[3] | 28 Lüüd, 6 Hüüs |
| 1. Dezember 1871[4] | 67 Lüüd, 11 Hüüs |
| 1. Dezember 1885[5] | 56 Lüüd, 10 Hüüs |
| 1. Dezember 1905[6] | 77 Lüüd, 18 Hüüs |
Religion
ännernLöh is evangeelsch-luthersch präägt un höört to dat Kaspel von de Marienkark in Himmelpoorten. Fröher hett en groten Deel von’n Oort aver to dat Kaspel von de Petrus-Kark op de Host tohöört. Stand 1791 weren dat 12 Hööv, de in Host na Kark güngen, un blots een Hoff, de in Himmelpoorten na Kark güng.
För de Kathoolschen is de Hillig-Geist-Kark in Stood tostännig.
Weertschop un Infrastruktur
ännernVerkehr
ännernLöh liggt an de Landsstraat 113, de in’n Noorden över Bredenwisch un Neeland na Grootweurn löppt un in’n Süden in Himmelpoorten an de Bundsstraat 73 ran geiht.
De nächste Bahnhoff is de Bahnhoff Himmelpoorten an de Nedderelvbahn von Cuxhoben na Hamborg, wat keen Kilometer weg is.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 144
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 378
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 134
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 142
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 151
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 160