Lüttbossel

Wapen/Flagg	Koort
Basisdaten
Bundsland: Neddersassen Landkreis: Rodenborg Gemeen: Bremervöör
Inwahners:
Postleettall:	27432
Vörwahl:	04764
Geograafsche Laag:	53° 26′ N, 9° 7′ O

Lüttbossel (hoochdüütsch Klein Bostel) is en lütten Oort in de Gemeen Bremervöör in’n Landkreis Rodenborg, Neddersassen. De Oort höört polietsch al von öllers bi Minst mit bi.

Geografie

Lüttbossel liggt dicht bi de Oost.

De Naveröörd sünd Minst in’n Noorden, Bevern mit Bokel in’n Noordoosten, Plönjeshusen in’n Oosten, Bockhorst in’n Süüdoosten, Sandbossel in’n Süden, Mintenborg in’n Süüdwesten, Klenkendörp in’n Westen un Fohrendörp in’n Noordwesten.

Historie

De Tosatz Lütt kummt dorvon, dat dat gröttere Sandbossel fröher ok Bossel nöömt worrn is.

Verwaltungsgeschicht

In de Franzosentied von 1810 bet 1814 hett de Oort to de Mairie Bevern in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1859 to de Böörd Sürsen in dat Amt Zeven tohöört un is denn Deel von dat Amt Bremervöör worrn. Na 1885 weer dat in’n Kreis Bremervöör. 1977 is dat Deel von’n Landkreis Rodenborg worrn.

De Oort is an’n 1. März 1974 as Deel von de Gemeen Minst mit de Gemeenreform in Neddersassen an de Gemeen Bremervöör kamen.

Inwahnertall

Johr	Inwahners
1793-00-001793	2 Füürsteden
1824-00-001824	1 Füürsteed
1848-00-001848	10 Lüüd, 1 Huus
1871-12-011. Dezember 1871	7 Lüüd, 1 Huus

Religion

Lüttbossel is evangeelsch-luthersch präägt un höört to dat Kaspel von de Lamberti-Kark in Sürsen.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Weertschop un Infrastruktur

Verkehr

An Lüttbossel langs löppt de Kreisstraat 148, de in’n Noorden över Minst na Tingo un Bremervöör geiht un in’n Süden na Sandbossel. In’n Oosten geiht von Minst ut en Straat an de Bundsstraat 71 bi Bevern.

De nächste Autobahn is de Autobahn 1. De Opfohrt 48 Elsdörp liggt so 30 Kilometer in’n Süüdoosten von Lüttbossel.

De nächste Bahnhoff is so bi acht Kilometer wied weg in’n Noorden de Bahnhoff Bremervöör an de Bahnlien Bremerhoben–Buxthu. Fröher hett dat in de Neegd ok en Bahnhoff an de Bahnlien Bremervöör–Wasra geven. Dat weer de Bahnhoff Bevern söven Kilometer in’n Noordoosten. Dor hett dat von 1890 bet 1968 Personenverkehr geven.