De Landkreis Celle is en Landkreis in de ööstlichen Mitt vun Neddersassen. He hett 178.936 Inwahners (Stand 31. Oktober 2019). De Kreisstadt is Celle, wat togliek ok de gröttste Stadt in’n Kreis is.

Wapen Koort
Wapen vun’n Landkreis Celle Laag vun’n Landkreis Celle in Düütschland
Grunddaten
Bundsland: Neddersassen
Kreisstadt: Celle
Flach: 1.545,03 km²
Inwahners: 178.936 Inwahners (Stand 31. Oktober 2019)
Inwahnerdicht: 116
Kreisslötel: 03 3 51
Kfz-Kennteken: CE
Updeelen: 24 Gemenen
Adress vun’n
Kreisverwaltung:
Trift 29221
29683 Celle
Websteed: www.landkreis-celle.de
Landraad: Axel Flader (CDU)
Koort
Laag vun’n Landkreis Celle in Neddersassen

Geografie ännern

An den Landkreis sluut sik in’n Westen un Noorden de Heidkreis an, in’n Noordoosten de Landkreis Uelzen, in’n Oosten de Landkreis Gifhorn un in’n Süden de Region Hannober.

Historie ännern

De Landkreis Celle is an’n 1. April 1885 in’n Rahmen vun en Ümbilln vun de Kreisen in de Provinz Hannober ut de ollen Ämter Celle un Bargen un de Öörd Bröckel, Wiedenrode, Bohlenbruch, Langlingen, Hohnebostel, Fernhavekost, Neuhaus un Nienhof vun’t Amt Maanze tosamendoon worrn[1]. Verwaltungssitt is de Stadt Celle worrn, de sülvst kreisfree bleev, bit se 1973 in den Landkreis Celle opnahmen worrn is.

Mit de Drüdde Verordnung över den Neeopbo von dat Riek von’n 28. November 1938 sünd de Utdrück för de Verwaltungsbezirke in dat Düütsche Riek eenheitlich maakt worrn. Dorüm hett sik to’n 1. Januar 1939 de Naam von Kreis Celle op Landkreis Celle ännert.

Politik ännern

Kreisdag ännern

De Kreisdag in Celle sett sik siet de letzten Kommunalwahl an’n 11. September 2011 so tosamen:

Partei 2011 2006
CDU 24 26
SPD 18 17
Bündnis 90/De Grönen 7 4
FDP 3 6
WG Landkreis 5 3
De Linke 1
BSG 1
SPB 1

Landrööt ännern

Wapen ännern

Dat Wapen vun’n Landkreis wiest en blauen Lüümborgen Löwen op geolden Grund, de twüschen sien Vörderpranken en root Hart hollen deit.

Verkehr ännern

Dör den Landkreis Celle sülvst verlöpt keen Autobahn. De nächsten beiden Autobahnen sünd de BAB 2, de süüdlich vun’n Landkreis dör Hannober föhrt un en vun de wichtigsten Oost-West-Verbinnen in Düütschland dorstellt, un de BAB 7, en vun de bedüdenste Noord-Süüd-Verbinnen, de den Landkreis Celle in’n Westen flankeren deit.

Butendem verlöpt dör den Landkreis Celle de wichtige Iesenbahnstreck Hamborg-Hannober, op de ehrn Verloop dat 1998 to den sworen Unfall kamen is, as de ICE 884 „Wilhelm Conrad Röntgen“ in de Neeg vun Esche verunglückt is. En tweete Bahnlien verbinnt de Stadt Celle mit Paane in’n glieknöömten Landkreis.

Städer un Gemenen ännern

 

(Inwahnertallen vun’n 31. Dezember 2010)[2]

Eenheitsgemenen

  1. Bargen (12.942)
  2. Celle, (70.242)
  3. Faßberg (6.858)
  4. Hambüren (10.159)
  1. Harmsborg (8.172)
  2. Ünnerlüß (3.672)
  3. Wietze (8.087)
  4. Winsen (Aller) (12.895)

Samtgemenen mit tohören Gemenen

* Sitt vun de Samtgemeenverwaltung

  1. Esche * (3.736)
  2. Habekost (785)
  3. Höfer (953)
  4. Schannhost (697)
  1. Breukel (1.780)
  2. Eikeln (3193)
  3. Langeln (2.226)
  4. Wienhusen * (4.117)
  1. Ahnsbeck (1.676)
  2. Bedenbossel (1.049)
  3. Eldingen (2.158)
  4. Hohne (1.759)
  5. Lachendörp * (5.765)
  1. Aalheidsdörp (2.489)
  2. Nienhagen (6.323)
  3. Wateln * (6.079)

Gemeenfree Bezirk

  1. Lohheid (716)

Borns ännern

  1. Kreisordnung för de Provinz Hannober (1884)
  2. Landsbedrief för Statistik un Kommunikatschoonstechnologie Neddersassen – Inwahnerfoortschrieven

Weblenken ännern

  Landkreis Celle. Mehr Biller, Videos oder Audiodateien to’t Thema gifft dat bi Wikimedia Commons.