Lauendeel

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Land Hadeln Gemeen: Steenau
Inwahners:
Postleettall:	21775
Vörwahl:	04756
Geograafsche Laag:	53° 41′ N, 8° 53′ O

De Lauendeel (hoochdüütsch Lauenteil) is en Deel von Steenau in de Gemeen Steenau (Samtgemeen Land Hadeln) in’n Landkreis Cuxhoben, Neddersassen.

Geografie

De Oort liggt in dat Siedland von Hadeln. Dat Water warrt över Gravens un Wettern na de Au, de Gösch un den Haadler Kanaal hen afföhrt.

De Naveröörd sünd dat Noorderenn von Steenau in’n Noorden, Godshem in’n Oosten, Ooldbachenbrook un dat Süderenn von Steenau in’n Süüdoosten, Höörn un de Süderwestersied in’n Süüdoosten, Glind in’n Westen un de Noorderwestersied in’n Noordwesten.

Historie

De Naam von’n Lauendeel kummt von de Familie Laue, de veel Besitt in Hadeln harr. De Lauendeel is dat Zentrum von Steenau mit de Kark.

Verwaltungsgeschicht

De Oort hett vör 1852 to dat Kaspelsgericht Steenau von dat Land Hadeln tohöört un denn von 1852 bet 1885 to dat Amt Oterndörp. Na 1885 weer dat in’n Kreis Hadeln, de 1932 Deel von’n grötteren Kreis Land Hadeln worrn is. Siet 1977 höört de Oort to’n Landkreis Cuxhoben.

De Oort höört al von öllers bi de Gemeen Steenau mit bi.

Inwahnertall

Johr	Inwahners
1848-00-001848	195 Lüüd, 41 Hüüs
1871-12-011. Dezember 1871	297 Lüüd, 51 Hüüs
1885-12-011. Dezember 1885	303 Lüüd, 54 Hüüs

Religion

De Lauendeel is evangeelsch-luthersch präägt un höört to dat Kaspel von de Johannes-Kark Steenau. De Kark liggt in’n Lauendeel.

För de Kathoolschen is de Hillig-Krüüz-Kark in Oterndörp tostännig.

Weertschop un Infrastruktur

För’n Lauendeel is de freewillige Füürwehr Steenau tostännig.

Verkehr

Dör’n Lauendeel löppt de Landsstraat 144, de in’n Westen na de Westersied an de Landsstraat 117 ran geiht un in’n Noordoosten över Godshem un Bülkau na Neehuus. In’n Süden föhrt de Kreisstraat 19 na Höörn un Möhdiek. De L 117 geiht von de Westersied in’n Süüdwesten na Beers an de Landsstraten L 119 un L 120 un in’n Noorden över Helmworth un Neenkarken na de L 118 un wieder na Oterndörp.

De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 4 Niewohl liggt so 18 Kilometer in’n Westen von’n Lauendeel an de L 120.

De nächste Bahnhoff is so bi 17 Kilometer wied weg in’n Noorden de Bahnhoff Oterndörp an de Nedderelvbahn von Cuxhoben na Hamborg. Von 1896 bet 1968 hett dat ok op de Bahnlien Bremerhoben–Beers Personenverkehr geven. De Bahnhoff Beers weer in düsse Tied negen Kilometer wied weg in’n Süüdwesten.

Scholen

De Kinner ut’n Lauendeel gaht na de Grundschool Siedland in Helmworth. Fröher hett dat in’n Lauendeel en egen Volksschool geven.