Mai (Gemeen Soltau)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | 35 | |
| Postleettall: | 29614 | |
| Vörwahl: | 05190 | |
| Geograafsche Laag: | Koordinaten:52° 59′ N, 9° 56′ O52° 59′ N, 9° 56′ O | |
|
| ||
Mai (hoochdüütsch Moide) is en Dörp in de Gemeen Soltau in’n Landkreis Heidkreis, Neddersassen. Bi Mai höört ok de Brümmerhoff un Willenbokel.
Geografie
ännernMai liggt in de Heidmark. De Wietz hett in’n Noordoosten von’n Oort ehren Born. In’n Oosten grenzt de Oort an’n Truppenövungsplatz Munste-Süüd.
De Naveröörd sünd Hötzen, Emmingen un Emhoff in’n Noordoosten, Willenbokel in’n Oosten, Serei in’n Süüdoosten, Brümmerhoff in’n Süden, Abelbeck in’n Süüdwesten, Tiegen un Harwer in’n Westen un Oenn un Dibbern in’n Noordwesten.
Historie
ännernDe Oort hett vör 1852 to de Vaagdie Soltau von de Amtsvaagdie Soltau-Fambossel tohöört un na 1852 to dat Amt Soltau. Na 1885 is ut dat Amt de Kreis Soltau worrn. An’n 1. Oktober 1932 is de Kreis mit’n Kreis Fambossel tohoopleggt worrn, wat aver al to’n 1. Oktober 1933 wedder trüggännert worrn is. Eerst 1977 sünd de Kreise wedder tohoopleggt worrn un hebbt denn Landkreis Soltau-Fambossel heten. 2011 hett düsse Landkreis den ne’en Naam Landkreis Heidkreis kregen.
De Oort is an’n 1. März 1974 Deel von de Gemeen Soltau worrn.
In’n Eersten Weltkrieg is een Soldaat ut Mai fullen oder vermisst[1] un in’n Tweten Weltkrieg dree. [2]
Inwahnertall
ännern| Johr | Inwahners |
|---|---|
| 1824[3] | 2 Füürsteden |
| 1848[4] | 25 Lüüd, 4 Hüüs |
| 1. Dezember 1871[5] | 75 Lüüd, 4 Hüüs |
| 1. Dezember 1910[6] | 76 |
| 1925[7] | 85 |
| 1933[7] | 73 |
| 1939[7] | 69 |
Religion
ännernMai is evangeelsch-luthersch präägt un höört to dat Kaspel von de Johannis-Kark in Soltau.
För de Kathoolschen is de St.-Maria-Kark in Soltau tostännig.
Oortsvörstehers
ännern- opstunns: Ulrike Willenbockel
Kultur
ännernGedenktafeln un en Gedenkbook för de Fullenen ut de twee Weltkrieg’ gifft dat in Soltau in de Kark.
Weertschop un Infrastruktur
ännernVerkehr
ännernAn Mai löppt de Kreisstraat 10 langs, de in’n Süüdoosten na Serei un Witzenderp geiht un in’n Noordwesten na Harwer an de Bundsstraat 71 ran. De B 71 wedder geiht in’n Noordwesten na Soltau un Rodenborg un in’n Oosten na Munste un Ülzen. In’n Oosten geiht de K 42 von de K 10 af na Willenbokel.
De nächste Autobahn is de Autobahn 7. De Opfohrt 44 Soltau-Oost liggt so twee Kilometer in’n Noordwesten von Mai.
De nächste Bahnhoff is so bi acht Kilometer wied weg in’n Westen de Bahnhoff Soltau an de Bahnlien Ülzen–Langwedel (Amerikalien), de Lüttbahn Lümborg–Soltau un de Heidbahn.
Footnoten
ännern- ↑ http://www.denkmalprojekt.org/2009/soltau_st_johannis_ns.htm
- ↑ http://www.denkmalprojekt.org/2009/soltau_st_johannes_gb_wk2_Landgemeinden_ns.htm#Moide
- ↑ C. H. Jansen: Statistisches Handbuch des Königreichs Hannover. 1824, Sied 412: http://books.google.de/books?id=tG0AAAAAcAAJ&pg=PA412
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 111: http://books.google.de/books?id=eOI-AAAAcAAJ&pg=PA111
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 93: https://books.google.de/books?id=qTZDAQAAMAAJ&pg=RA2-PA93
- ↑ http://www.gemeindeverzeichnis.de/gem1900/gem1900.htm?hannover/soltau.htm
- ↑ a b c http://www.verwaltungsgeschichte.de/soltau.html
