Brümmerhoff (Gemeen Soltau)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 29614 | |
| Vörwahl: | 05190 | |
| Geograafsche Laag: | Koordinaten:52° 59′ N, 9° 57′ O52° 59′ N, 9° 57′ O | |
|
| ||
Brümmerhoff (hoochdüütsch Brümmerhof) is en lütten Oort in de Gemeen Soltau in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Mai.
Geografie
ännernDe Oort liggt in de Lümbörger Heid un dor in de Heidmark. Dat Water ut dat Rebeed flütt över de Wietz af.
De Naveröörd sünd Stübeckshorn, Hötzen un Emmingen in’n Noordoosten, Willenbokel in’n Oosten, Serei in’n Süüdoosten, Penzhorn un Abelbeck in’n Süüdwesten un Tiegen, Harwe un Mai in’n Noordwesten.
Historie
ännern
Dat ole Buurnhuus von’n Hoff Brümmerhoff, dat 1644 boot worrn is, is 1977 afbraken un 1979 bet 1981 in dat Museumsdörp Hössen wedder opboot worrn.
Brümmerhoff is siet 1989 en rein Gestüt. Vörher weer dat en Buurnhoff. To dat Gestüt höört 110 Hektar Weiden un 140 Hektar Holt. Ünner annern stammt dat Peerd Danedream von’n Brümmerhoff.
Verwaltungsgeschicht
ännernIn de Franzosentied hett de Oort binnen dat Königriek Westfalen 1810 bet 1811 to de Mairie Willbaukel in’n Kanton Soltau höört.
De Oort hett vör 1852 to de Vaagdie Soltau von de Amtsvaagdie Soltau-Fambossel tohöört un na 1852 to dat Amt Soltau. Na 1885 is ut dat Amt de Kreis Soltau worrn. An’n 1. Oktober 1932 is de Kreis mit’n Kreis Fambossel tohoopleggt worrn, wat aver al to’n 1. Oktober 1933 wedder trüggännert worrn is. Eerst 1977 sünd de Kreise wedder tohoopleggt worrn un hebbt denn Landkreis Soltau-Fambossel heten. 2011 hett düsse Landkreis den ne’en Naam Landkreis Heidkreis kregen.
De Oort hett fröher to de Buurschop Mai un later to de Gemeen Mai tohöört, de an’n 1. März 1974 mit de Gemeenreform in Neddersassen Deel von de Gemeen Soltau worrn is.
Inwahnertall
ännern| Johr | Inwahners |
|---|---|
| 1791[1] | 1 Füürsteed |
| 1824[2] | 1 Füürsteed |
| 1848[3] | 20 Lüüd, 2 Hüüs |
| 1. Dezember 1871[4] | 21 Lüüd, 2 Hüüs |
| 1. Dezember 1885[5] | 15 Lüüd, 2 Hüüs |
| 1. Dezember 1905[6] | 27 Lüüd, 3 Hüüs |
Religion
ännernBrümmerhoff is evangeelsch-luthersch präägt un höört to dat Kaspel von de Johannis-Kark in Soltau.
För de Kathoolschen is de St.-Maria-Kark in Soltau tostännig.
Weertschop un Infrastruktur
ännernVerkehr
ännernAn Brümmerhoff langs löppt de Kreisstraat 10, de in’n Noordwesten na Harwe an de Bundsstraat 71 ran geiht un in’n Süüdoosten över Serei un Meinholt na Witzendörp. Von Harwe föhrt de B 71 in’n Noordwesten na Soltau, Neenkerken un Rodenborg un in’n Oosten na Munste un Ülzen.
De nächste Autobahn is de Autobahn 7 (Afsnidd Hamborg–Hannover). De Opfohrt 44 Soltau-Oost liggt so dree Kilometer in’n Noordwesten von Brümmerhoff an de B 71.
De nächste Bahnhoff is so bi negen Kilometer wied weg in’n Noordwesten de Bahnhoff Soltau an de Bahnlienen Bremen–Ülzen un Hannover–Bookholt. Op de Bahnlien Celle–Soltau hett dat von 1910 bet 1975 Personenverkehr geven. de Bahnhoff Lührsbokel weer in düsse Tied acht Kilometer wied weg in’n Süüdwesten.
Lüüd
ännernDe Maler A. Paul Weber hett von 1933 bet 1936 op’n Brümmerhoff leevt.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 40
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 94
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 111
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 93
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 102
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 154
Weblenken
ännern- Websteed von dat Gestüt Brümmerhoff (hoochdüütsch)