Mairie Arbargen
De Mairie Arbargen weer in de Franzosentied (1810 bet 1813) een von de dree Mairien, in de de Kanton Achem indeelt weer. De Seet weer in Arbargen un de Maire M. Wortmann. Se harr 1519 Inwahners.[1]
Historie
ännernDe Ümgegend von Arbargen hett vör de Franzosentied to dat Gogericht Achem in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.
Binnen Westfalen weer Arbargen Deel von de Mairie Hemeln, wat een von de ölven Mairien in’n Kanton Achem von’n Distrikt Veern, Departement von de Elv- un Wersermünnen, weer.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Arbargen weer nu een von de dree Mairien in’n Kanton Achem, Distrikt Bremen, Departement von de Wersermünnen. De Mairie is ut Öörd tohoopfaat worrn, de vörher in Westfalen to de twee Mairien Hemeln un Uphusen (all beid in’n Kanton Achem) höört harrn.
1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.
Öörd
ännernDor hebbt düsse Öörd tohöört:
- Kaiserriek Frankriek:[1]
Vondaag sünd düsse Öörd deelwies Deel von de Gemeen Achem un deelwies Stadtdelen von Bremen.
Footnoten
ännern- ↑ a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 95
- ↑ Bulletin des lois du Royaume de Westphalie. Königliche Bookdruckeree, Kassel 1810, Sied 21