Mairie Hambargen
De Mairie Hambargen weer in de Franzosentied (1810 bet 1813) een von de veer Mairien, in de de Kanton Oosterholt indeelt weer. De Seet weer in Hambargen. Se harr 1352 Inwahners.[1]
Historie
ännernDe Ümgegend von Hambargen hett vör de Franzosentied to de Vaagdien Hambargen un Scharmbeek von dat Amt Oosterholt in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.
Binnen Westfalen weer de Mairie Hambargen een von de teihn Mairien in’n Kanton Oosterholt von’n Distrikt Bremervöör, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Hambargen weer nu een von de veer Mairien in’n Kanton Oosterholt, Distrikt Bremerleh, Departement von de Wersermünnen. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to veer Mairien höört harrn: de Mairien Hambargen, Wallhöben un Freißenbüttel ut’n Kanton Oosterholt un de Mairie Kuhs ut’n Kanton Beverst. Von de Mairie Freißenbüttel is een Deel in de Mairie Hambargen wesselt. De annere Deel keem an de Mairie Scharmbeek. De Mairie Kuhs hett blots den Oort Giehlermöhlen an de Mairie Scharmbeek aftreden. De Rest weer wieder Deel von de Mairie Kuhs.
1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.
Öörd
ännernDor hebbt düsse Öörd tohöört:
- Königriek Westfalen:[2]
- Kaiserriek Frankriek:[1]
- Hambargen (431 Inwahners), Bullwinkel (8), Spreddig (51), Ströh (83), Heißenbuttel (104), Neenkroog (6), Wallhöben (258), Vollerso (169), Biloh (53), Ohlenst (110), Feldhoff (11), Haslah (9), Vörwohl (43), Giehlermöhlen (16)
Vondaag sünd düsse Öörd Deel von de Gemeen Oosterholt-Scharmbeek un de Samtgemeen Hambargen.
Footnoten
ännern- ↑ a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 105
- ↑ a b Bulletin des lois du Royaume de Westphalie. Königliche Bookdruckeree, Kassel 1810, Sied 13