Mairie Kuhs

Mairie in de Franzosentied to Anfang dat 19. Johrhunnert

De Mairie Kuhs weer in de Franzosentied (1810 bet 1813) een von de fiev Mairien, in de de Kanton Beverst indeelt weer. De Seet weer in Kuhs. Se harr 1355 Inwahners.[1]

Historie ännern

De Ümgegend von Kuhs hett vör de Franzosentied to de Huusvaagdie Beverst un dat Patrimonialgericht Öös von dat Gericht Beverst un de Vaagdie Bremervöör von dat Amt Bremervöör in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.

Binnen Westfalen weer de Mairie Kuhs een von de negen Mairien in’n Kanton Beverst von’n Distrikt Bremervöör, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Kuhs weer nu een von de fiev Mairien in’n Kanton Beverst, Distrikt Bremerleh, Departement von de Wersermünnen. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to veer Mairien höört harrn: de Mairien Kuhs, Karkwist un Wellen ut’n Kanton Beverst un de Mairie Basdaal ut’n Kanton Bremervöör. De Mairie Kuhs müss den Oort Giehlermöhlen an de Mairie Hambargen afgeven. Von de Mairie Karkwist is blots en Deel an de Mairie Kuhs wesselt. De annere Deel is an de Mairie Beverst fullen. Von de Mairie Wellen is blots de Oort Helljes an de Mairie Kuhs gahn. De Rest keem an de Mairie Beverst.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.

Öörd ännern

Dor hebbt düsse Öörd tohöört:

Vondaag sünd düsse Öörd Deel von de Gemenen Gnarrenborg un Beverst un de Samtgemenen Hambargen un Geestborn.

Footnoten ännern

  1. a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 103
  2. a b Bulletin des lois du Royaume de Westphalie. Königliche Bookdruckeree, Kassel 1810, Sied 17