Mairie Heckthusen
De Mairie Heckthusen weer in de Franzosentied (1810 bet 1813) een von de veer Mairien, in de de Kanton Himmelpoorten indeelt weer. De Seet weer in Heckthusen. Se harr 2704 Inwahners.[1]
Historie
ännernDe Ümgegend von Heckthusen hett vör de Franzosentied dat Gericht Heckthusen in dat Hartogdom Bremen billt, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.
Binnen Westfalen weer de Mairie Heckthusen een von de söven Mairien in’n Kanton Loomst von’n Distrikt Stood, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Heckthusen weer nu een von de veer Mairien in’n Kanton Himmelpoorten, Distrikt Stood, Departement von de Elvmünnen. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to de veer Mairien Heckthusen, Klint, Basbeek un Warstood (all veer in’n Kanton Loomst) höört harrn. Warstood is dorbi opdeelt worrn. De annere Deel keem an de Mairie Loomst.
1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.
Öörd
ännernDor hebbt düsse Öörd tohöört:
- Königriek Westfalen:[2]
- Kaiserriek Frankriek:[1]
Vondaag sünd düsse Öörd Deel von de Samtgemeen Hemmoor.
Footnoten
ännern- ↑ a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 65
- ↑ a b Bulletin des lois du Royaume de Westphalie. Königliche Bookdruckeree, Kassel 1810, Sied 6