Mairie Mittelskark

Mairie in de Franzosentied to Anfang dat 19. Johrhunnert

De Mairie Mittelskark weer in de Franzosentied (1810 bet 1813) een von de veer Mairien, in de de Kanton Jörk indeelt weer. De Seet weer in Mittelskark. Se harr 2217 Inwahners.[1]

Historie ännern

De Ümgegend von Mittelskark hett vör de Franzosentied to dat Grevengericht Oolland in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.

Binnen Westfalen weer de Mairie Mittelskark een von de söven Mairien in’n Kanton Steenkark von’n Distrikt Stood, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Mittelskark weer nu een von de veer Mairien in’n Kanton Jörk, Distrikt Stood, Departement von de Elvmünnen. De Mairie weer nu düüdlich grötter, dor sünd de Öörd in tohoopfaat worrn, de vörher in Westfalen to dree Mairien höört harrn: de Mairien Mittelskark un Neekark ut’n Kanton Steenkark un de Mairie Loodkup ut’n Kanton Jörk.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.

Öörd ännern

Dor hebbt düsse Öörd tohöört:

Vondaag sünd düsse Öörd Deel von de Samtgemeen Lüh un de Gemeen Jörk.

Footnoten ännern

  1. a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 68
  2. a b Bulletin des lois du Royaume de Westphalie. Königliche Bookdruckeree, Kassel 1810, Sied 9