Kanton Steenkark

De Kanton Steenkark weer as Kanton en Verwaltungsrebeed in dat Königriek Westfalen, dat blots von 1810 bet 1811 bestahn hett (Franzosentied). De Seet weer Steenkark.

Historie

De Ümgegend von Steenkark hett vör de Franzosentied to dat Grevengericht Oolland un dat Gericht Bargfreed in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.

Binnen Westfalen weer de Kanton Steenkark een von de 16 Kantons in’n Distrikt Stood von dat Departement von de Elv- un Wersermünnen. Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Kanton Steenkark is opdeelt worrn op de Mairien Steenkark, Mittelskark un Hullern-Twielenfleet in’n Kanton Jörk, all in’n Distrikt Stood, Departement von de Elvmünnen.

In’n Harvst 1813 hebbt de Russen de Franzosen slahn un dat Rebeed befreet. Dat Kurförstendom Hannover is denn 1813/1814 wedder herstellt worrn un de ole Stand von vör 1810 wedder dor.

Mairien

De Kanton weer indeelt in söven Mairien:

• Mairie Steenkark: Steenkark
• Mairie Hullern: Hullern
• Mairie Twielenfleet: Twielenfleet
• Mairie Greundiek: Greundiek
• Mairie Gauderhandviddel: Gauderhandviddel
• Mairie Mittelskark: Mittelskark
• Mairie Neekark: Neekark

Footnoten

Kantons in’n Distrikt Stood (Königriek Westfalen, 1810–1811)

Drochters | Freeborg | Harsfeld | Himmelpoorten | Hornborg | Jörk | Loomst | Neehuus | Neenkarken | Öberndörp | Oosten | Oterndörp | Steenkark | Stood | Sürsen | Zeven