Mairie Parrns

Mairie in de Franzosentied to Anfang dat 19. Johrhunnert

De Mairie Parrns weer in de Franzosentied (1810 bet 1813) een von de dree Mairien, in de de Kanton Winsen indeelt weer. De Seet weer in Parrns. Se harr 2773 Inwahners.[1]

Historie ännern

De Ümgegend von Parrns hett vör de Franzosentied to de Vaagdie Parrns von dat Amt Winsen in dat Förstendom Lümborg höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.

Binnen Westfalen weer de Mairie Parrns een von de teihn Mairien in’n Kanton Winsen von’n Distrikt Horborg, Departement von de Nedderelv.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Parrns weer nu een von de dree Mairien in’n Kanton Winsen, Distrikt Lümborg, Departement von de Elvmünnen. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to söven Mairien höört harrn: de Mairien Parrns, Ramßel, Maschen, Stell un Ashusen ut’n Kanton Winsen un de Mairien Braackel un Wulfsen ut’n Kanton Garlstörp. De Mairien Braackel un Wulfsen sünd all beid nich kumplett an de Maire Parrns gahn. De Mairie Braackel hett blots dat Dörp Tangendörp an de Mairie Parrns afgeven un de Rest keem an de Mairie Garlstörp. De Mairie Wulfsen hett de Dörper Wulfsen un Beborg an de Mairie Parrns geven, wieldes dat Dörp Gastää ok an de Mairie Garlstörp gahn is.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.

Öörd ännern

Dor hebbt düsse Öörd tohöört:

Vondaag sünd düsse Öörd Deel von de Stadt Winsen, de Samtgemenen Solzhusen un Hanstää un de Gemenen Seevdaal un Stell.

Footnoten ännern

  1. a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 62
  2. a b Bulletin des lois du Royaume de Westphalie. Königliche Bookdruckeree, Kassel 1810, Sied 39