Nettflunken-Insekten

(wiederwiest vun Neuropteroida)

De Nettflunken-Insekten (Neuropteroida oder Neuropteroidea) sünd en Grupp mank de Insekten. Dor weert dree Ornens to rekent: De Kamelhalsflegen (Raphidioptera), de Grootflunken (Megalopetra) un de Nettflunken (Neuroptera). Dat is avers nich klaar, wo de Nettflunken-Insekten in de Taxonomie stahn schöllt. De wecken Forschers seht jem as Ornen an un meent, de dree Taxa, de dor tohören doot, weern Unnerornens. Annere meent, bi jem hannel sik dat um en Böverornen. Nettflunken-Insekten kaamt up de ganze Eer vor. Dor gifft dat bi 6.500 Aarden in 22 Familien vun. Dor maakt de Nettflunken mit bi 5.500 Aarden den gröttsten Deel vun ut. Bi de Nettflunken-Inskten hannelt sik dat um de Primitivsten mank de Insekten bi, de sik verpoppen doot (holometabole Insekten). An'n neegsten sünd se mit de Kävers (Coleoptera) un de Weiherflunken (Strepsiptera) verwandt. De beiden billt tosamen dat Sustertaxon vun de Nettflunken-Insekten, dat sünd de Coleopteroida.

Nettflunken-Insekten
Dichrostigma flavipes, Kamelhalsflege, Seken
Systematik
Stamm: Liddfööt (Arthopoda)
Ünnerstamm: Tracheendeerter (Tracheata)
Böverklass: Sessfööt (Hexapoda)
Klass: Insekten (Insecta)
Ünnerklass: Fleeginsekten (Pterygota)
Böverornen: Neeflunken (Neoptera)

ahn Rang: Nettflunken-Insekten
Wetenschoplich Naam
Neuropteroidea

Literatur ännern

  • Ulrike und Horst Aspöck: Kamelhälse, Schlammfliegen, Ameisenlöwen … Wer sind sie? in Kamelhälse, Schlammfliegen, Ameisenlöwen. Neuropterida, Biologiezentrum des OÖ. Landesmuseums (Rutg.), 1999, ISBN 3-85474-036-0
  • Ekkehard Wachmann, Christoph Saure: Netzflügler, Schlamm- und Kamelhalsfliegen, Naturbuch-Verlag, Augsborg 1997, ISBN 3-89440-222-9
 
Gröne Florflege (Chrysoperla carnea)