Stinst (Samtgemeen Loomst)
Stinst (hoochdüütsch Stinstedt) is en Dörp in de Gemeen Stinst, Samtgemeen Loomst in’n Landkreis Cuxhoben, Neddersassen. Bi Stinst höört ok siet öllers al de lüttjeren Öörd Sankt Joost un Eekhoffsbarg mit to.
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | 310 (31. Dezember 2009) | |
| Postleettall: | 21772 | |
| Vörwahl: | 04756 | |
| Geograafsche Laag: | Koordinaten:53° 40′ N, 8° 58′ O53° 40′ N, 8° 58′ O | |
 | ||
|
| ||
Geografie ännern
Stinst liggt op de Loomster Geest an’n Rand na dat Moor. In’n Noordoosten is de Balksee un in’n Westen loopt de Stinster Randkanaal un de Gösch an Stinst langs.
De Naveröörd sünd Sankt Joost in’n Noorden, Eekhoffsbarg in’n Noordoosten, Nordahn un Mittelsnohn in’n Oosten, Sticht un Hoorn in’n Süüdoosten, Maurismaur in’n Süden, Neebachenbrook in’n Süüdwesten un Ooldbachenbrook in’n Westen.
Historie ännern
In’n Eersten Weltkrieg sünd 17 Soldaten ut Stinst fullen oder vermisst un in’n Tweten 48[1].
Verwaltungsgeschicht ännern
In de Franzosentied von 1810 bet 1814 hett de Oort to de Mairie Loomst in’n Kanton Bremervöör höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
Vör 1859 weer Stinst in de Böörd Loomst von dat Amt Bremervöör un denn von 1859 bet 1885 in dat Amt Oosten. 1885 is dat an’n Kreis Neehuus gahn un 1932 an’n Kreis Land Hadeln. 1977 is dat Deel von’n Landkreis Cuxhoben worrn.
De Oort is an’n 1. Juli 1972 mit de Gemeenreform in Neddersassen Deel von de ne’e un gröttere Gemeen Stinst worrn.
Inwahnertall ännern
| Johr | Inwahners |
|---|---|
| 1824[2] | 31 Füürsteden |
| 1848[3] | 244 Lüüd, 45 Hüüs |
| 1. Dezember 1910[4] | 330 |
| 1925[5] | 396 |
| 1933[5] | 407 |
| 1939[5] | 585 |
| 31. Dezember 2009[6] | 310 |
Religion ännern
Stinst is evangeelsch-luthersch präägt un höört to dat Kaspel von de Bartelmees-Kark in Loomst.
För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.
De Oort hett en egen Karkhoff an de Hauptstraat.
Kultur ännern
In Stinst steiht en Denkmaal för de Fullenen ut de twee Weltkrieg’.
Verenen ännern
De Krieger- un Soldatenkameraadschop Stinst-Maurismaur is 1909 grünnt worrn. De Oort hett ok en Schüttenvereen, de sien Schüttenfest an dat drüdde Wekenenn in’n Juni fiert.
Weertschop un Infrastruktur ännern
De Oort hett en egen freewillige Füürwehr.
Verkehr ännern
Stinst liggt an de Kreisstraat 34, de in’n Süüdoosten na Mittelsnohn un an de Landsstraat 116 ranlöppt. De L 116 geiht denn wieder na Loomst un an de Bundsstraat 495 ran. In’n Noorden löppt de L 116 bi Goddshem an de L 144 ran. Lüttjere Straten loopt ans in’n Süden na Maurismaur un in’n Noordwesten na’n Haadler Kanaal hen, an de L 144 ran na Steenau.
Footnoten ännern
- ↑ http://www.denkmalprojekt.org/2009/stinstedt_wk1u2_ns.htm
- ↑ C. H. Jansen: Statistisches Handbuch des Königreichs Hannover. 1824, Sied 580: http://books.google.de/books?id=tG0AAAAAcAAJ&pg=PA580
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 133: http://books.google.de/books?id=eOI-AAAAcAAJ&pg=PA133
- ↑ http://www.gemeindeverzeichnis.de/gem1900/gem1900.htm?hannover/neuhaus.htm
- ↑ a b c http://www.verwaltungsgeschichte.de/hadeln.html
- ↑ http://boerde-lamstedt.der-norden.de/rathaus/zahlen.html