Örsdörp

Wapen/Flagg

Koort

Basisdaten

Bundsland: Neddersassen

302 (2011-00-002011)

Postleettall:

21702

Vörwahl:

04166

Geograafsche Laag:

Koordinaten:53° 24′ N, 9° 25′ O53° 24′ N, 9° 25′ O

Örsdörp (hoochdüütsch Oersdorf) is en Dörp in de Gemeen Ohlers, Samtgemeen Harsfeld, in’n Landkreis Stood, Neddersassen. De Oort liggt op dat rechte Över von de Au. Güntsiet an de linke Sied liggt de Oort Kohlenhusen, de to Örsdörp tohöört.

Geografie

De Naveröörd sünd Wohlers un Kokerbeek in’n Noorden, Ohlers in’n Oosten, Klethen in’n Süüdoosten, Ottendörp in’n Süden un Winnerswohl in’n Westen.

Historie

De Ringwall von Örsdörp düüdt dor op hen, dat al in de Jungsteentied Minschen bi Örsdörp leevt hebbt.

Dat Dörp kummt 1375 as Ozerestorpe toeerst in de Oorkunnen vör.

Vör 1885 weer dat Dörp in de Böörd Bargst binnen dat Amt Harsfeld. Na 1885 hett dat denn to’n Kreis Stood höört un von 1932 af an to’n hüdigen Landkreis Stood.

Von 1967 bet to’n 1. Juli 1972 weer de Oort Liddmaat von de Samtgemeen Ohlers. Örsdörp is an’n 1. Juli 1972 bi de Gemeenreform in Neddersassen mit de Gemeen Ohlers tohoopleggt worrn.

Au in Örsdörp

Inwahnertall

Johr	Inwahners
1824-00-001824^[1]	11 Füürsteden
1848-00-001848^[2]	217 Lüüd, 31 Hüüs
1910-12-011. Dezember 1910^[3]	231
1925-00-001925^[4]	273
1933-00-001933^[4]	271
1939-00-001939^[4]	264
2011-00-002011^[5]	302

Religion

Klockentoorm

Örsdörp is evangeelsch-luthersch präägt un höört to dat Kaspel von de Primus-Kark in Bargst. Dat Dörp hett en egen Karkhoff mit Klockentoorn.

För de Kathoolschen is de St.-Michaels-Kark in Harsfeld tostännig, de siet 1. September 2010 to de Karkengemeen Mariä Himmelfohrt in Buxthu höört.

Kultur

Verenen

De Freewillige Füürwehr is 1934 grünnt worrn un hett de Plichtfüürwehr aflööst, de dat al siet 1901 geven harr. De Heimatvereen Wi Örsdörper hett sik 1991 grünnt.

Infrastruktur

Verkehr

Örsdörp liggt an de Kreisstraat 55, de in’n Noordoosten na Hollenbeek un in’n Süden na Ottendörp löppt. Lüttjere Straten gaht na Kokerbeek un na Ohlers.